ކުރިއަށް އޮތް ލޯކަލް ކައުންސިލްތަކުގެ އިންތިޚާބުގެ 33%ވަނީ އަންހެނުންނަށް ޚާއްސަކޮށްފައެވެ. ކައުންސިލް އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު ބާއްވަން ހަމަޖެހިފައި ވަނީ އަންނަ އޭޕްރީލް މަހުގެ 04 ވަނަ ދުވަހު އެވެ.
އިދިކޮޅު ޕްރޮގްރެސިވް ޕާޓީ އޮފް މޯލްޑިވްސް (ޕީޕީއެމް)ގެ ޕްރައިމަރީ އަކީ ދިމިޤްރާތީ އުސޫލުން ހުޅުވިގެންދިޔަ އަލިމަގެއް ކަމަށް ކުރީގެ އިސްލާމިކް މިނިސްޓަރ ޑރ. މުހައްމަދު ޝަހީމް އަލީ ސައީދު ވިދާޅުވެއްޖެ އެވެ.
ޑރ. ޝަހީމް މިހެން ވިދާޅުވީ މިއަދު ކުރެއްވި ޓްވީޓެއްގަ އެވެ.
PPM ge primary aki Dhimiqraathee usoolun hulhuvigen dhiya alimageh. PPM ge emmehaa memberunaai Leadership ah thahuniyaa aai Maruhabaa dhannavai kaamiyaabah edhen. Siyaasee party thakuge ethereyge inthikhaab thah beyvvumaki e party thah ebbaivanthakamaa eku dhemiothuge sirreve.
— Mohamed Shaheem Ali Saeed (@Mohamedshaheem1) February 7, 2020
އެ ޓްވީޓްގައި ޑރ. ޝަހީމް ވަނީ ޕީޕީއެމްގެ މެންބަރުންނާއި ލީޑަރޝިޕަށް ތަޙުނިޔާ އާއި މަރުޙަބާ ދަންނަވައި، ކާމިޔާބަށް އެދިވަޑައިގެންފަ އެވެ.
“ސިޔާސީ ޕާޓީތަކުގެ އެތެރޭގެ އިންތިޚާބުތައް ބޭއްވުމަކީ އެ ޕާޓީތައް އެއްބައިވަންތަކަމާއެކު ދެމިއޮތުމުގެ ސިއްރެވެ.” އެ ޓްވީޓްގައި ޝަހީމް ވިދާޅުވެފައި ވެއެވެ.
ޕީޕީޢެމްގެ ޓިކެޓްގައި ލޯކަލް ކައުންސިލްތަކުގެ އިންތިޚާބުގައި ވާދަކުރައްވާނެ ކެންޑިޑޭޓުން ހޮވުމަށް ބާއްވާ އެ ޕާޓީގެ ޕްރައިމަރީގެ ވޯޓުލުން މިއަދު ވަނީ ބާއްވައިފަ އެވެ.
ރާއްޖޭގެ އެކި ކަންކޮޅުތަކުގައި މިއަދު މެންދުރުފަހު 02:30 އިން ފެށިގެން ޕީޕީއެމްގެ ޕްރިމަރީގެ ވޯޓުލުން ކުރިއަށްދާއިރު، ވޯޓު ނުލެވި ކިޔޫގައި އަދިވެސް ގިނަ ބަޔަކު ތިބުމާއެކު ވޯޓުލުމުގެ ވަގުތު ވަނީ މިރޭ 08:00 އާއި ހަމައަށް އިތުރުކޮށްފަ އެވެ.
