ހޮނޑާފުށި އައިލެންޑް ރިސޯޓުން ސަރވިސް ޗާޖުގެ ގޮތުގައި ދިނީ އެންމެ 11 ޑޮލަރު (169.62ރ.) ކަމަށް ބުނުމުން ވަޒީފާއިން ވަކިކުރި މުވައްޒަފު ކަމަށްވާ އަޙްމަދު ޝިމްހާޒު އިބްރާހިމް އަށް އަމިއްލަ ކުންފުންޏަކުން ވަޒީފާއެއް ހުށަހަޅައިފި އެވެ.
އެގޮތުން ސޭލްސްކޯ ޕްރައިވެޓް ލިމިޓެޑް ނަމަކަށް ކިޔާ ކުންފުންޏެއްގެ އިސް ބޭފުޅެއް ކަމަށްވާ އަޙްމަދު ޒާހިދު މިއަދު ކުރެއްވި ޓްވީޓެއްގައި ވިދާޅުވެފައި ވަނީ ޝިމްހާޒަށް ވަޒީފާ ދިނުމަކީ އެ ކުންފުންޏަށް ލިބޭނެ އުފަލެއް ކަމަށެވެ.
We at Salesco Pvt Ltd is glad to employ you. If you are interested, please send in your your CV to [email protected] – We will be more than happy to employ you in our Sales Department. @raajjemv @VaguthuOnline @adduonline. We encourage everyone fight for their rights. pic.twitter.com/ywS468UVcs
— Ahmed Zahid (@ahmed_zaahid) December 29, 2019
އަދި ވަޒީފާއަށް ޝައުޤުވެރިވާނަމަ، ޝިމްހާޒުގެ ވަނަވަރު ނުވަތަ ސީވީ އެ ކުންފުނީގެ އީމެއިލް [email protected] އަށް ފޮނުވައިދިނުމަށްވެސް ޒާހިދު ވަނީ އެދިވަޑައިގެންފަ އެވެ.
ޒާހިދު ވިދާޅުވީ އެކުންފުނީގެ ސޭލްސް ޑިޕާޓްމަންޓުން ޝިމްހާޒަށް ވަޒީފާއެއް ދިނުމަކީ އެކުންފުންޏަށް ލިބޭ އުފަލެއް ކަމަށާއި، އަދި ކޮންމެ މީހަކުވެސް އެމީހެއްގެ އަމިއްލަ ޙައްޤުތައް ރައްކާތެރިކުރުމަށް މަސައްކަތް ކުރުމަކީ އެ ކުންފުނިން ބާރުއަޅައި ހިތްވަރުދޭ ކަމެއް ކަމަށެވެ.
ހޮނޑާފުށި އައިލެންޑް ރިސޯޓުގައި ސެކިއުރިޓީ ގާޑެއްގެ މަސައްކަތް ކުރަމުންދިޔަ ޝިމްހާޒު ވަޒީފާއިން ވަކިކޮށްފައިވާކަން އެނގުނީ އޭނާ އެކަން ބަޔާންކޮށް އެހީއަށް އެދި ޓޫރިޒަމް އެމްޕްލޮއީސް އެސޯސިއޭޝަން އޮފް މޯލްޑިވްސް (ޓީމް) އަށް ފޮނުވި މެސެޖު އާންމުވުމާއި ގުޅިގެންނެވެ.
