ޤައުމީ ސަލާމަތާ ގުޅޭ ކަންތައްތައް ސަމާސާއަކަށް ވެގެން ނުވާނެ ކަމަށް ކުރީގެ ޑިފެންސް މިނިސްޓަރު އަދި ރައްޔިތުންގެ މަޖިލީހުގެ މަޑުއްވަރީ ދާއިރާގެ މެމްބަރު އާދަމް ޝަރީފް އުމަރު ވިދާޅުވެއްޖެ އެވެ.
އާދަމް ޝަރީފް މިހެން ވިދާޅުވެފައި ވަނީ އިއްޔެ ކުރެއްވި ޓްވީޓެއްގަ އެވެ.
Qaumee salaamathah nurakkaa vejjenama alhanjehey fiyavalheh elhumakee, kamaa gulhunhuri muassasaa thakuge zinmaaeh. Gaumee salaamathaai farudhunge rakkaatheri kamakee serious kankan. Mirinuve gobalhikaashi vaagothah, qaumee salaamathaa gulhey kankan samaasaa akah vegen nuvaane.
— Adam Shareef Umar (@Adamshareefz) December 24, 2019
މުޅި ރާއްޖޭގެ ސަލާމަތީ ކަންކަން ވަރުގަދަކޮށް ޔެލޯ އެލާޓް ނެރުނުކަން އިޢުލާން ކުރައްވަމުން އެމްއެންޑީއެފް އިން ރޭ ނެރުނު ބަޔާނެއްގައި ބުނެފައި ވަނީ ރޭ 19:00 އިން ފެށިގެން އެލާޓް ސްޓޭޓަސް މައްޗަށް ޖައްސާ “ޔެލޯ2” އަށް ބަދަލުކޮށްފައިވާ ކަމަށާއި އެ އެލާޓް ނެރެނީ، ގައުމުގެ ސުލްހަމަސަލަސްކަމާއި އަމަންއަމާންކަމަށް ބުރޫއަރާފަދަ ކަމަކާ ކުރިމަތިވާނެ ކަމަކަށް ބެލެވުމުން ނުވަތަ އެފަދަ މައުލޫމާތެއް ލިބުމުން ކަމުގައެވެ.
އެ އެލާޓާ އެކު ރާއްޖޭގެ އެކި ސަރަހައްދު ތަކުގައި ސިފައިން ހަތިޔާރާ އެކު ހަރަކާތްތެރިވާނެ ކަމަށާއި ސަލާމަތީ ގޮތުން އަޅަން ނިންމާފައިވާ ފިޔަވަޅުތަކުގެ ތެރޭގައި ކަނޑުމަތީގެ އުޅަނދުފަހަރު ހުއްޓުވައި ޗެކްކުރުން ވެސް ހިމެނޭނެ ކަމުގައި އެ ބަޔާނުގައި ބުނެފައި ވެއެވެ.
