ލިޔުނީ: ފާތިމަތު މިންހާލް/ ޝަމްސުއްދީން ސްކޫލް
ޝަމްސުއްދީން ސްކޫލްގެ އިންޓަރހައުސް ފުޓުބޯޅަ މުބާރާތް 2019 ފަށައިފި އެވެ.
15 ޖުލައިގައި ފެށި މި މުބާރާތް ކުރިއަށް ދަނީ މީދޫ ރަސްމީ ފުޓުބޯޅަ ދަނޑުގައެވެ.
މިސްކޫލްގެ 4 ހައުސްގެ މެދުގައި ކުރިއަށްދާ މި މުބާރާތް 4 ދުވަހަށް ދެމިގެންދާނެ ކަމަށް ސްކޫލްގެ ސްޕޯރޓްސް ސްޕަވައިޒަރ އިބްރާހިމް މުގުސިދު ވިދާޅުވިއެވެ.
ސްކޫލްގެ ހުރިހާ ފިރިހެން ދަރިވަރުންނަށް އަމާޒުކުރެވިގެން ކުރިއަށް ގެންދާ މި މުބާރާތުގައި 7 އަހަރުން ދަށް ، 9 އަހަރުން ދަށް، އަދި 13 އަހަރުން ދަށުގެ 12 ޓީމް ވާދަ ކުރާނެއެވެ. މި މުބާރާތުގެ މައިގަޑު މަޤުސަދަކީ ދަރިވަރުންގެ މެދުގައި އެކުވެރިކަން އާލާކޮށް ފުޓްބޯޅައިގެ ހުނަރު އިތުރުކުރުން ކަމަށް ސްކޫލްގެ ސްޕޯޓްސް ކުލަބުއިން ހާމަކުރެއެވެ.
އިންޓަރހައުސް ފުޓުބޯޅަ މުބާރާތަކީ، ޝަމްސުއްދީން ސްކޫލްގައި ކޮންމެ އަހަރަކުވެސް ބާއްވަމުން އަންނަ ވަރަށް ފޯރިގަދަ މުބާރާތެއްކަން ފާހަގަ ކޮށްލެވެއެވެ.
