ބައިލައްކައަށް ވުރެ ގިނަ މެމްބަރުންނާއި އެކު އެންމެ މެމްބަރުން ގިނަ ޕާޓީއަކީ ވެރިކަންކުރާ އެމްޑީޕީކަމަށް އިލެކްޝަންސް ކޮމިޝަންގެ ހިސާބުތަކުން ދައްކައިފިއެވެ.
މޯލްޑިވްސް ޑިމޮކްރެޓިކް ޕާޓީ (އެމްޑީޕީ)އާ އަލަށް ގުޅުނު 25000 މެމްބަރުންނާއެކު، އެޕާޓީގެ މެމްބަރުންގެ އަދަދު ބައިލައްކައަށްވުރެ މައްޗަށް އަރައި، އިދިކޮޅު ޕީޕީއެމުން 8000 މެމްބަރުން ވަކިވެއްޖެއެވެ.
މި އަހަރު ފެށުނު އިރު 10000 މެމްބަރުން ތިބި ޕާޓީތަކަކީ އެމްޑީޕީއާއި ޕީޕީއެމްއާއި ޖުމްހޫރީ ޕާޓީއާއި އެމްޑީއޭއެވެ. އެހެންމަމަވެސް އެންމެ ފަހުގެ ހިސާބުތަކަށް ބަލާއިރު 10000 މެމްބަރުން މިހާރު ހަމަވަނީ ވެރިކަންކުރާ އެމްޑީޕީއާއި އިދިކޮޅު ޕީޕީއެމްގައެވެ.
އެމްޑީޕީ – 54302
އަދާލަތު ޕާޓީ – 6253
ޑީއާރުޕީ – 2870
ޖުމްހޫރީ ޕާޓީ – 9335
ޕީޕީއެމް – 38020
އެމްޑީއޭ – 8712
އެމްއެސްއެލްޑީޕީ – 2686
އެމްޓީޑީ – 3875
ޕީއެންސީ – 3084
ޕާޓީތަކަށް ފައިސާ ދޫކުރަން ނިންމި އަދަދަށް ބަލާއިރު، އެމްޑީޕީއަށް ލިބެނީ 12.8 މިލިއަން ރުފިޔާއެވެ. ޕީޕީއެމަށް 9.3 މިލިއަން ރުފިޔާއެވެ. ޖުމްހޫރީޕާޓީ އާއި އެމްޑީއޭއަށް ލިބެނީ 2 މިލިއަން ރުފިޔާއެވެ.
ސިޔާސީ ޕާޓީތަކުގެ ގާނޫނު ބުނާގޮތުން ދައުލަތުން ޕާޓީތަކަށް ދޫކުރާ ފައިސާ ދޫކުރަންޖެހޭނީ ބަޖެޓް ފާސްކުރާއިރު 10000 މެމްބަރުން ހަމަވާ ޕާޓީތަކަށެވެ.
