ނުހައްގުން ފްލެޓް ދީފައިވީ ނަމަވެސް އެފަރާތްތައް އެތަނުން ނެރެ އެހެން ބަޔަކަށް ފްލެޓްތައް ދިނުމަށް ނޭދޭ ކަމަށް ވިދާޅުވެ ދެއްކެވީ ދިއްދޫގައި ގާއިމްކޮށްފައިވާ ފްލެޓްތަކުގެ ވާހަކަ ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ
ރައީސް ނަޝީދު ހއ. އަށް ކުރެއްވި ދަތުރުފުޅުގައި އެ އަތޮޅު ދިއްދޫއަށް ވަޑައިގެން އެރަށުގެ ރައްޔިތުންނާއި ބައްދަލުކުރައްވާ ފްލެޓާއި ބެހޭގޮތުން ދެއްކެވި ވާހަކަތަކާއި ގުޅިގެން ނަޝީދަށް އެމްޑީޕީގެ ބައެއް އެކްޓިވިސްޓުންގެ ފާޑުކިޔުން އަމާޒުވެފައިވާއިރު، ރައީސް ނަޝީދު ކުރެއްވި ޓްވީޓެއްގައި ވިދާޅުވީ، ފްލެޓްތަކާ ގުޅޭގޮތުން ދެއްކެވި ވާހަކައަކީ ދިއްދޫގައި ގާއިމްކޮށްފައިވާ ފްލެޓްތަކުގެ ވާހަކަ ކަމަށެވެ.
ނަޝީދު ކުރެއްވި ޓުވިޓްގައި ވިދާޅުވީ ޕްލެޓާއި ގުޅޭ ގޮތުން ހާއްސަގޮތެއްގައި ދެއްކެވީ ދިއްދޫގައި އިމާރަތްކޮށް އަދި މީހުންނަށް ދީފައިވާ ފްލެޓްތަކުގެ ވާހަކަކަމަށެވެ. އަދި އެއީ ހުޅުމާލޭގައި ބޭއިންސާފުން ލިސްޓުހަދާ ދިނުމަށް ނިންމާފައިވާ ފްލެޓްތަކުގެ ވާހަކަ ނޫންކަމަށް ނަޝީދު ވިދާޅުވިއެވެ
ނަޝީދު ދިއްދީއަށް ކުރެއްވި ދަތުރުގައި ވިދާޅުވީ ކޮންމެ ގޮތެއް ވިޔަސް، އިންސާފަށް ވިޔަސް، ބޭއިންސާފަށް ވިޔަސް ފްލެޓްގައި އުޅެނީ ހަމަ ދިވެހިންކަމަށެވެ. އަދި އެ މީހުން އެތަނުން ނެރެފައި، އެތަން އެހެން މީހަކަށް ދިނުމުގެ ހިތެއް ނެތްކަމަށާއި އެހެންވީމަ ފްލެޓުތައް އަލުން އަޅަން ޖެހޭކަމަށެވެ. ،
