އެސްޓީއޯގެ ބައެއް ވިޔަފާރީތައް ހުއްޓާލައި އެ ވިޔަފާރީތައް ކުރުމުގެ ފުރުސަތު އާންމުންނަށް ހުޅުވާލާނެ ކަމަށް އެމްޑީޕީގެ ރިޔާސީ ކެނޑިޑޭޓު އިބްރާހިމް މުހައްމަދު ސޯލިހް(އިބޫ) ވިދާޅުވެއްޖެއެވެ
ބ. އޭދަފުށީ ރައްޔިތުންނާ ބައްދަލުކުރައްވައި ވާހަކަފުޅު ދައްކަވަމުން އިބޫ ވިދާޅުވީ އެސްޓީއޯ އަކީ ހަމަ އެކަނި ރައްޔިތުންނަށް ބޭނުންވާ ޒަރޫރީ ބޭނުންތައް ފުއްދުމަށް ޓަކައި ކޮންމެހެން ކުރަން ޖެހޭ އަދި ދައުލަތެއްގެ ފަރާތުން ރައްޔިތުންނަށް ކޮންމެހެން ކޮށްދޭން ޖެހޭ ކަންތައްތައް ކޮށްދިނުމަށް ވިޔަފާރީ ކުރާ ތަނެއްގެ ގޮތުގައި ގުޅިފައިވާ ޕާޓީތަކުގެ ވެރިކަމެއްގައި ހަދާނެކަމަށެވެ.
މީގެ އިތުރުން އިބޫ ވިދާޅުވީ ގުޅިފައިވާ ޕާޓީތަކުގެ ވެރިކަމެއްގައި ސަރުކާރުން ވިޔަފާރީ ކުރުމުގެ ސިޔާސަތު ދޫކޮށްލައްވައި ވިޔަފާރިވެރިންނަށް ވިޔަފާރީ ކުރުމުގެ ފުރުސަތުތައް ތަނަވަސްކޮށްދެއްވާނެ ކަމަށެވެ. އަދި އެސްޓީއޯ އިން ކުރަމުންގެންދާ ބޮޑެތި ވިޔަފާރީތަކުގެ ތެރެއިން ބޮޑު ބައި އާންމު ވިޔަފާރިވެރިންނަށް ދޫކޮށްލާނެކަމަށް އިބޫ ވިދާޅުވިއެވެ
