ތައިލޭންޑުގައި މޫސުން ގޯސްވުމުގެ ސަބަބުން އެގައުމުގެ 12 ކުއްޖަކާއި އެކުދިންގެ ކޯޗު ތާށިވެފައި ތިބި ހޮހޮޅައިގެ ޗެމްބަރުގައި އޮކްސިޖަން ލެވެލް ދަށަށް ދާން ފަށައިފިކަަމަށް އެކުދިން ސަލާމާތްކުރުމުގައި ހަރަކާތްތެރިވަމުން އަންނަ އޮފިޝަލުން ބުނެފިއެވެ
އޮފިޝަލުން ބުނެފައި ވަނީ ހޮހަޅައިގައި ކުދިން ތިބި ޗެމްބަރުން އޮކްސިޖަން ލެވެލް ދަށްވުމަކީ ބޮޑު ކަންބޮޑުވުމެއް ކަމަށާއި އެ ކުދިން ތިބި ހިސާބުގައި އޮކްސިޖަންގެ އާއްމު ލެވެލް އަކީ 21 ޕަސެންޓްކަމަށެވެ. އެހެން ނަމަވެސް މިހާރު އޮކްސިޖަން ލެވެލް ހުރީ 15 ޕަސެންޓުގައި ކަމަށެވެ
ކަމާ ބެހޭ ފަރާތްތަކުން ހޮހަޅައިގައި ތިބި ކުދިންނަށް އޮކްސިޖަން ސަޕްލައި ކުރުމަށް ފަސް ކިލޯ މީޓަރު (ތިން މޭލު) ގެ ކޭބަލެއް އުޅުމުގެ މަސައްކަތް ކުރަމުން އަންނައިރު އޮފިޝަލުން ބުނެފައިވަނީ އޮކްސިޖަން ލެވެލް ދަށަށް ދިއުމުގެ މައިގަނޑު ސަބަބަކީ ހޮހަޅައިގެ ތެރޭގައި މީހުން ގިނަވުން ކަމަށެވެ
