ލާމަރުކަޒީ ގާނޫނުގައި، މާލޭ ސިޓީ ކައުންސިލްގެ ޒިންމާއެއްގެ ގޮތުގައި ކަނޑައަޅާފައިވާ ވިހާމަރުވާ މީހުންގެ ރެކޯޑު ބެލެހެއްޓުން ހައުސިން މިނިސްޓްރީ އަށް ބަދަލުކޮށްފިއެވެ
ހައުސިން މިނިސްޓްރީން ބުނެފައިވަނީ މާލޭ ސިޓީ ކައުންސިލުގެ ބައެއް ޚިދުމަތްތައް އެ މިނިސްޓްރީގެ ދަށަށް ބަދަލުކުރީ ރައްޔިތުންނަށް އެކަށީގެންވާ ގޮތެއްގައި މާލޭ ސިޓީ ކައުންސިލުން ޚިދުމަތްތައް ނުދޭތީ ކަމަށެވެ. މީގެ ކުރިން މާލޭގެ ރަށްވެހިންގެ ރަޖިސްޓްރީ ބެލެހެއްޓުމާއި ރަށްވެހި ނުވެ ދިރިއުޅޭ މީހުންނާއި، ބިދޭސީންގެ ދަފްތަރާއި ،މާލެ އާއި ވިލިމާލޭގެ ފްލެޓްތައް ވެސް ، ހައުސިން މިނިސްޓްރީގެ ދަށަށް ބަދަލުކޮށްފަ އިވާއިރު މާލޭ ސިޓީ ކައުންސިލްގެ ޑެޕިއުޓީ މޭޔަރު ޝަމާއު ޝަރީފް ވިދާޅުވީ ލާމަރުކަޒީ ގާނޫނުގެ ދަށުން، މާލޭ ސިޓީ ކައުންސިލާ ހަވާލުކޮށްފައިވާ ހުރިހާ ޒިންމާތަކެއް ނިގުޅައިގެންފައިވާ ކަމަށެވެ
މާލެ ސިޓީ ކައުންސިލްގެ ޑެޕިއުޓީ މެޔާރ ޝަމާއު ވަނީ ދަފްތަރު ބެލެހެއްޓުމާއި ވިހާމަރުވާ މީހުންގެ ރެކޯޑު ފަދަ ކަންކަން ހައުސިން މިނިސްޓްރީގެ ދަށަށް ބަދަލުކުރީ، ރިޔާސީ އިންތިޚާބާ ދިމާކޮށް، ވޯޓު ގަޑުބަޑު ކުރުމަށްކަމަށް ތުހުމަތުކުރައްވާފައެވެ.
