އިންޑިޔާގެ މަދުޔަ ޕުރަދޭޝް ސުޓޭޓްގައި އުމުރުން ހަތް އަހަރުގެ ކުއްޖަކު ރޭޕް ކުރުމުން އެ ސްޓޭޓް ގެ އެތައް ސަތޭކަ ބަޔަކު ނުކުމެ މުޒާހަރާކޮށްފިއެވެ
އުމުރުން ހަތް އަހަރުގެ ކުއްޖާ ރޭޕް ކޮށްފައިވަނީ ސުކޫލް ބޭރުގައި މަޑުކޮށްލައިގެން ހުއްޓައި ރަހީނުކޮށްގެން ގެންދިޔުމަށް ފަހުގައެވެ.މިހާރު އަންހެން ކުއްޖާއަށް ހޮސްޕިޓަލްގައި ފަރުވާދެމުން އަންނައިރު ކުއްޖާ ބެލި ޑޮކްޓަރުން ބުނެފައިވަނީ އަންހެންކުއްޖާ ހަށިގަނޑުން ގިނަ އަދަދަކަށް ލޭ ފޭބުމުން ހާލުދެރަވެފައި ވީ ނަމަވެސް ފުރާނައަށް ނުރައްކަލެއް ނެތް ކަމަށެވެ.
އަންހެން ކުއްޖާ ރޭޕް ކުރުމުގައ ބައިވެރިވި މީހުން މިހާރު ފުލުހުންގެ ބެލުމުގެ ދަށަށް ގެންގޮސްފައިވާއިރު މުޒާހަރާކުރި މީހުންވަނީ އެމީހުންނަށް ހަރުކަށި އަދަބު ދިނުމަށް ގޮވާލާފައެވެ.
