ޔޫރަޕިއަން ޔޫނިއަންއާއި އދ އަދި ބައިނަލްއަގްވާމީ މުޖްތަމައުން ވަރުގަދަ ފިޔަވަޅުތަކެއް، މި ސަރުކާރަށް އަޅަންޖެހޭ ކަމަށް ކުރީގެ ނާއިބް ރައީސް ޑރ.މުހައްމަދު ޖަމީލް އަހުމަދު ވިދާޅުވެއްޖެއެވެ
ޖަމީލު ކުރެއްވި ޓުވީޓެއްގައި ވިދާޅުވީ މި ސަރުކާރުންއަންނަނީ، ބޭނުންވާގޮތަށް އަވަހަށް ކޯޓްތައް އަތުލާ ގާނޫނަށް ބަދަލުގެނެސް އިންތިޚާބުގައި ވާދަކުރާނެ އެންމެން “ޑިސްކޮލިފައި” ކުރުންކަމަށެވެ،
ޑރ.ޖަމީލް ވަަނީ މިމަހުގެ 22 ވަނަ ދުވަހު އީޔޫގެ މަތީ ފެންވަރުގެ ބޭފުޅުންނާއި ބައްދަލްކުރައްވާ ރާއްޖޭގެ ހާލަތާއި ގުޅޭގޮތުން މަޝްވަރާކުރައްވާފައެވެ. މި ބައްދަލުވުމުގައި ޖަމީލްވަނީ ރާއްޖޭގެ ވެރިންނާއިމެދު ފިޔަވަޅު އަޅައިިދިނުމަށާއި، ގާނޫނީ އިމުގެ ތެރެއަށް ސަރުކާރު ވަނުމަށް މަޖުބޫރުކުރުވާފަދަ ނިންމުންތަކެއް ނިންމަވައިދިނުމަށް އެދިވަޑައިގެންފައެވެ
