އައްޑޫ ސިޓީގެ ގަމާއި ސައުތު އެފްރިކާ އާ ދެމެދު ސީދާ ދަތުރުތައް ފަށަން ސައުތު އެފްރިކަން އެއާލައިނުން ތައްޔާރުވެއްޖެއެވެ.
ސައުތު އެފްރިކާ ގެ ދަތުރުތައް މި އަހަރުގެ ޑިސެމްބަރު މަހުގެ އެއް ވަނަ ދުވަހު ފަށަން މަސައްކަތް ކުރަމުންދާ ކަމަށް ގަން އިންޓަނޭޝަނަލް އެއާޕޯޓުން ބުނެއެވެ.
މި ދަތުރުތައް ފެށުމަށް، ސައުތު އެފްރިކާގެ ޓްރެވަލް އެޖެންސީ އަކުން ރާއްޖެ އައިސް ހޮޓެލްތައް ބަލައި ބުކިންވެސް ހައްދާފައިވާ އިރު މި ދަތުރުތަކުގެ ފެށުން ވެގެން ދާނީ އިތުރު އިންޓަނޭޝަނަލް އެއާލައިނެއްގެ ދަތުރުތައް އައްޑޫއަށް ފެށުން ކަމަށެވެ.
ގަން އިންޓަނޭޝަނަލް އެއާޕޯޓް އިންޓަނޭޝަނަލް އޮޕަރޭޝަންތަކަށް އާންމުކޮށް ހުޅުވާލާ ސްރީލަންކަން އެއާލައިންސްގެ ޝެޑިއުލް ދަތުރުތައް ފަށާފައިވަނީ 2016 ވަނަ އަހަރުގައެވެ. ސްރީލަންކަން އެއާލައިންއިން ހަފްތާއައަކު މަދުވެގެން 3 ޝެޑިއުލް ދަތުރު ކުރަމުންދާއިރު އިތުރު އެއާލައިނެއްގެ ދަތުރު އައްޑޫއަށް ކުރެވޭނެ ގޮތް ވެގެން ދިއުމަކީ އައްޑޫގެ ފަތުރުވެރިކަމަށް ލިބިގެންދާނެ ވަރަށް ބޮޑު ކުރިއެރުމެކެވެ.
.
