ޖުމްހޫރީ ޕާޓީ އުފެދުނީއްސުރެ އެ ޕާޓީގެ ލީޑަރުކަން ކުރައްވަމުން އައި ގާސިމް އިބްރާހީމް އެ ޕާޓީގެ ލީޑަރުކަން ދޫކޮށްލަން ނިންމައިފިއެވެ
އިއްޔެ ގާސިމް ވިދާޅުވީ ޕެރޯލް ގާނޫނުގެ ދަށުން ހުކުމެއް އިއްވާފައިވާ މީހަކަށް ޕާޓީއެއްގެ އިސް މަގާމެއްގައި ނުހުރެވޭނެތީވެ، އެ ޕާޓީގެ ލީޑަރު ކަމަށް އެމަނިކުފާނަށް ކުރިމަތި ނުލެއްވޭ ކަމަށެވެ.އަދި ޕާޓިގެ ލީޑަރެއްގެ ގޮތުގައި ނެތް ނަމަވެސް އަބަދުވެސް ހުންނަވާނީ ޖުމްހޫރީ ޕާޓީ އާއި އެކުގައި ކަމަށް ގާސިމް ވިދާޅިވިއެވެ
ޖުމްހޫރީ ޕާޓީން މާދަމާ އެ ޕާޓީގެ ކޮންގްރެސް ބޭއްވުމަށް ނިންމާފައިވާއިރު އެ ޕާޓީން ބުނެފައިވަނީ ކޮންގްރެސް އިން ހައިރާންވެގެންދާ ފަދަ ބޮޑެތި ނިންމުންތައް ނިމިގެންދާނެކަމަށެވެ.
ޖުމްހޫރީ ޕާޓީގެ އިސް މަގާމުތަކަށް ކުރިމަތިލުމުގެ ފުރުސަތު ހުޅުވާލާފައިވާއިރު، ޕާޓީގެ ލީޑަރު ކަމާއި ނައިބު ލީޑަރު ކަމާއި ރައީސް، އަދި ނައިބު ރައީސް ކަމަށް ކުރިމަތިލާން ވަނީ ހުޅުވާލާފަ އެވެ.
