ބޭނުންވާތަކެތި:
2 ސައިސަމްސާ ގީ
2 ޖޯޑު ކައްކާފައި ހުރި ބަތް
1/3 ޖޯޑު ގްރީންޕީސް
1 ޖޯޑު ކައްކާފައި ހުރި ޕްރައުންސް
1 ސައިސަމްސާ ލައިޓް ސޯޔާސޯސް
1 ޖޯޑް ކުދިކޮށް ކޮށާފައި ހުރި ފިޔާ
2 ލޮނުމެދު ކުދިކޮށް ކޮށާފައި
1 އިންޗް އިނގުރު ގާނާފައި
ތައްޔާރު ކުރާނެގޮތް:
އެންމެ ފުރަތަމަ ތަވައެއްގައި ގީ ކޮޅުހޫނުކޮށްލާށެވެ. އެއަށްފަހު ފިޔާ، ލޮނުމެދު، އިނގުރު އަޅާފައި މުށިކުލަ އަރަންދެން ފިޔާ މީރުކޮށްލާށެވެ. ދެން ޕްރައުންސް އަޅާލުމަށްފަހު 1 – 2 މިނެޓް ވަންދެން ކައްކާލާށެވެ. ދެން ކައްކާފައި ހުރި ބަތް ކޮޅު އަދި ގްރީން ޕީސް އެޅުމަށްފަހު ހުރިހާ އެއްޗެއް އެކޮށްލުމަށް ފަހު 3 މިނެޓްވަންދެން ކައްކާލާށެވެ. 3 މިނެޓްވަންދެން ކެއްކުމަށްފަހު ސޯޔާސޯސް އެޅުމަށްފަހު ސަމްސަލުން ރަނގަޅަށް ބަތާއި ހުރިހާ ބާވަތެއް އެކޮށްލުމަށްފަހު އުނދުންމަތިން ބާލާށެވެ.
