ޖުމްހޫރީ ޕާޓީގެ ރައީސްގެ މަގާމަށް ކުރިމަތިލުމުގެ ފުރުސަތު ހުޅުވާލައިފި އެވެ
އެ ޕާޓީން މިއަދު ބޭއްވި ޕްރެސް ކޮންފަރެންސެއްގައި ވާހަކަ ދައްކަވަމުން އެ ޕާޓީގެ ސެކްރެޓަރީ ޖެނެރަލް އަހްމަދު ސަމީރު ވިދާޅުވީ އެޕާޓީން ބޭއްވި ގައުމީ ހިންގާ ކޮމިޓީގެ ބައްދަލުވުމުގައި އެ ޕާޓީގެ އަސާސީ ގަވައިދަށް ބަދަލުތަކެއް ގެނެސް، އާ މަގާމުތަކެއް އުފައްދާފައިވާ ކަމަށެވެ. އެ ގޮތުން އެ ޕާޓީގެ އޮނިގަނޑަށް އިތުރު ކުރި ރައީސްގެ މަގާމަށް އައްޔަން ކުރައްވާ ބޭފުޅަކު މަސައްކަތް ކުރައްވާނީ އެ ޕާޓީގެ ލީޑަރުގެ ދަށުން ކަމަށް ސަމީރު ވިދާޅުވިއެވެ
އެ ޕާޓީން އަލަށް އުފެއްދި މަގާމުތަކުގެ ތެރޭގައި އެ ޕާޓީގެ ރައީސްގެ މަގާމުގެ އިތުރުން ނައިބު ރައީސްގެ މަގާމު، އަދި އެ ޕަޓީގެ އަންހެނުންގެ ގޮތްޕާއި ޒުވާނުންގެ ގޮފީގެ ސެކްރެޓަރީގެ މަގާމު ހިމެނެއެވެ
