އިދިކޮޅު ފަރާތްތަކުން ސިޔާސީ ހަރަކާތްތަކުގެ ނަމުގައި ހިންގާ ޣައިރު ގާނޫނީ އަމަލުތައް ވެސް، ރާއްޖެ އަށް ހެޔޮއެދޭ، ބޭރުގެ އެކި ގައުމުތަކަށް ފެންނަން ޖެހޭ ކަމަށް ސަރުކާރުން ބުނެފި އެވެ
ރާއްޖޭގެ ހާލަތާ ގުޅިގެން ޔޫރަޕިއަން ޔޫނިއަން (އީޔޫ) އިން ކަންބޮޑުވުން ފާޅުކޮށް ނެރެފައިވާ ބަޔާނާއި ގުޅިގެން ސަރުކާރުން ބުނެފައިވަނީ ރަގަޅު ޑިމޮކްރަސީއަކަށް އިދިކޮޅު ފަރާތްތަކުގެ ރޯލުވެސް ވަރަށް މުހިއްމު ކަމަށާއި އެ ފަރާތްތަކުގެ އަމަލުތައްވެސް ޤާނޫނާއި އެއްގޮތަށް ބެހެއްޓުން މުހިއްމުކަމުގައެވެ.
ސަރުކާރުން އީޔޫގެ ވާހަކަތަކަށް ރައްދު ދެއްވާ ނެރުނު ބަޔާނުގައި ބުނެފައިވަނީ ގާނޫނު އަސާސީގެ ދަށުން ހަދާފައިވާ ގާނޫނުތަކާ ގަވާއިދުތަކަށް ގޮން ޖަހައި ސިޔާސީ ހަރަކާތުގެ ނަމުގައި އާންމުންނަށް އޮޅުވާލަން ބާއްވާ ހަރަކާތްތަކަށް ސަރުކާރުން ފުރުސަތެއް ނުދޭނެ ކަމަށެވެ. އަދި ގާނޫނުއަސާސީއާ ހިލާފަށް ބާއްވާ ހަރަކާތްތައް ހުއްޓުވުމަށް ސަރުކާރުން އަޅާ ފިޔަވަޅުތަކަކީ، އެއްވެ އުޅުމާއި ވާހަކަ ދެއްކުމުގެ މިނިވަން ކަމަށް އަަރައިގަތުން ކަމަކަށް ނުބެލެވޭނެ ކަމަށް މި ބަޔާނުގައިވަނީ ބުނެފައެވެ.
