ރޯދަމަހަށް ހާއްސަކޮށްގެން މިގެނެސްދޭ ޑްރިންްކްސްގެ ތެރެއިން މިއަދު މިގެނެސްދެނީ ހަށިގަނޑު ފިނިކޮށްލަދޭ ފައިދާހުރި ބުއިމެކެވެ. ރޯދައަށް ހުރުމަށްފަހު ރޯދަ ވީއްލާ ގަޑީގައި ހަށިގަނޑަށް ފައިދާ ހުރި ބުއިމެއް އިޙްތިޔާރު ކޮށްލުމަށް މި ކިއުކަމްބާ މިންޓް ކޫލަރ ބޭނުން ކޮށްލެވިދާނެއެވެ.
ބޭނުންވާތަކެތި:
(8 ތަށި ތައްޔާރު ކޮށްލުމަށް(
2 ޖޯޑު ކިއުކަމްބާ ފޮތިކޮށްފައި
2 ލުނބޮލުގެ ހުތް
1/2 ޖޯޑު މިންޓްފަތް
1 ޖޯޑު ހަކުރު (ނުވަތަ ރަހަލާވަރަށް)
1 ލީޓަރ ފެން
10 އައިސްކިއުބް
ތައްޔާރު ކުރާނެގޮތް:
ކިއުކަމްބާ، ލުނބޯހުތް، މިންޓްފަތް، ހަކުރު އަދި އައިސް ކިއުބް މިކްސަރަށް އެޅުމަށް ފަހު ގިރާލާށެވެ. ތައްޔާރު ކުރި ޖޫސް ތަށިތަކުގެ މެދާހަމައަށް އެޅުމަށްފަހު ބޭނުންވާ ވަރަށް ފެންއަޅާލާށެވެ. މިޑްރިންކް ގާނިޝް ކުރުމަށް ލުނބޯ ފޮއްޗަކާ މިންޓްފަތް ކޮޅެއް އަޅާލެވިދާނެ އެވެ.
