އެމްޑީޕީގެ ކުރީގެ ޗެއާޕާސަން އަލީ ވަހީދަށް އަބަދުވެސް ކާމިޔާބީއަށް އެދޭ ކަމަށް އެމްޑީޕީގެ މިހާރުގެ ޗެއާޕާސަން ހަސަން ލަތީފު ވިދާޅުވެއްޖެއެވެ.
މިއަދު އެމްޑީޕީ އިން އަލީ ވަހީދު ވަކިވެވަޑައިގަތުމާ ގުޅިގެން އެ ޕާޓީގެ ޗެއާޕާސަން ކުރެއްވި ޓުވިޓެއްގައި ވިދާޅުވީ އަލީ ވަހީދު އެ ޕާޓީއަށް ކޮށްދެއްވި ހިދުމަތްތަކަށް ވަރަށް ބޮޑަށް ޝުކުރު އަދާ ކުރައްވާ ކަމަށާއި އޭނާ އިހްތިޔާރު ކުރެއްވި މަގުން ކާމިޔާބު ލިބޭނެ ކަމަށް އުއްމީދު ކުރައްވާ ކަމަށެވެ
އަލީ ވަހީދު އެމްޑީޕީއިން ވަކިވެ ވަޑައިގެން މިރޭ ޖުމްހޫރީ ޕާޓީ އިން ބާއްވާ ހާއްސަ ރަސްމިއްޔާތެއްގައި އެޕާޓީއަށް ސޮއިކުރައްވާނެ ކަމަށް ވިދާޅުވެ ޖުމްހޫރީ ޕާޓީގެ ލީޑަރު ގާސިމް އިބްރާހީމް ޓްވީޓު ކުރައްވާފައިވާ އިރު ގާސިމް ވަނީ އެ ޓްވީޓުގައި އަލީ ވަހީދާ އެކު ހުންނެވި ފޮޓޯއެއް އާއްމު ކުރައްވާފައެވެ
