އެމްޑީޕީގެ ފަރާތުން ރިޔާސީ އިންތިހާބުގައި ވާދަކުރާނެ ކެންޑިޑޭޓެއް ހޮވުމަށް ބާއްވާ ރިޔާސީ ޕްރައިމަރީ އަށް ކުރިމަތިލުމުގެ ފުރުސަތު ހުޅުވަލައިފިއެވެ
މިއަދު އެމްޑިޕީއިން ނެރުނު ބަޔާނުގައި ބުނެފައިވަނީ އެ ޕާޓިގެ ގައުމީ މަޖިލީހުން ނިންމާފައިވާ ގޮތަށް މި މަހުގެ 30 ވަނަ ދުވަހު އެމްޑިޕީ ޕްރައިމެރީ ބާއްވަން ނިންމާފައިވާ ކަމަށާއި ޕްރައިމަރީ އަށް ކުރިމަތިލުމުގެ ފުރުސަތު ހުޅުވާލާފައި ވަނީ މިމަހުގެ 19 ވަނަ ދުވަހުގެ މެންދުރު 12:00 އާއި ހަމައަށް ކަމަށެވެ
ޕްރައިމަރީ އަށް ކުރިމަތިލުމުގެ ފޯމް ޕާޓީގެ ސެކްރެޓޭރިޓުންނާއި ޕާޓީގެ ވެބްސައިޓުން ލިބެން ހުންނާނެ ކަމަށް އެމްޑީޕީ އިން ބުނެފައިވާއިރު ޕާޓިގެ ޕްރައިމެރީގައި ވާދަކުރައްވާނެކަމަށް އަދި ވިދާޅުވެފައިވަނީ ކުރީގެ ރައީސް މުހައްމަދު ނަޝީދު އެކަންޏެވެ.
