އިނގިރޭސި ޕްރިމިއާ ލީގުގައި ނިއު ކާސަލް ޔުނައިޓެޑު އަތުން ހަނި ގޮތަކަށް މޮޅުވެ ޓޮޓެންހަމް ގަދަ ހަތަރެއްގެ ޖާގަ ކަށަވަރު ކޮށްފި އެވެ.
އަމިއްލަ ދަނޑުގައި ކުޅުނު މިމެޗުން ޓޮޓެންހަމް އިން ކާމިޔާބުކޮށްފައިވަނީ 1-0 ލަނޑުން ނަތީޖާއަކުންނެވެ
ރޭގެ މޮޅާއެކު ޓޮޓެންހަމް އޮތީ 74 ޕޮއިންޓާ އެކު ލީގުގެ ތިންވަނައިގައެވެ. ހަތަރުވަނައިގައި މިހާރު އޮތީ 72 ޕޮއިންޓާ އެކު ލިވަޕޫލްއެވެ. އަދި ފަސްވަނައިގައި 70 ޕޮއިންޓާ އެކު އޮތީ ޗެލްސީއެވެ.
ލީގުގެ ގަދަ ހަތަރަކަށް ގޮސް އަންނަ ސީޒަންގައި ޗެމްޕިއަންސް ލީގުގެ ޖާގައއް ކަށަވަރު ކުރެވެން އޮތް އިރު ޗެލްސީ އަށް ދެން ގަދަ ހަތަރަކަށް ދެވޭނީ ލީގުގެ ފަހު މެޗުގައި ރަށުން ބޭރުގައި ނިއުކާސަކް ބަލިކޮށް ލިވަޕޫލް އާއި ބްރައިޓަން ލިވަޕޫލްގެ ދަނޑުގައި ކުޅޭ މެޗުން ލިވަޕޫލް ބަލިވެއްޖެ ނަމައެވެ.
ރޭގެ މެޗުގައި ޓޮޓެންހަމުން ޖެހި ހަމައެކަނި ލަނޑު މެޗުގެ 50 ވަނަ މިނެޓުގައި އެޓީމަށް ކާމިޔާބުކޮށްދިނީ ޓީމުގެ ހުނަރުވެރި ފޯވާޑު ހެރީ ކޭން އެވެ.
