ރިޔާސީ އިންތިހާބުގައި ވާދަ ކުރަން ބޭނުންވަނީ ޖުމްހޫރީ ޕާޓީގެ ޓިކެޓުގައި ކަމަށް ކުރީގެ ހޯމް މިނިސްޓަރު އުމަރު ނަސީރު ވިދާޅުވެއްޖެ އެވެ
އުމަރު ވިދާޅުވީ ޖުމްހޫރީ ޕާޓީގެ ޓިކެޓުގައި ވާދަކުރެއްވުމުގެ ފުރުސަތު ނުލިބިއްޖެ ނަމަ މިނިވަން ކެންޑިޑޭޓެއްގެ ގޮތުގައި އިންތިހާބުގައި ވާދަ ކުރައްވާނެ ކަމަށެވެ. މީގެ އިތުރުން އުމަރު ވިދާޅުވީ ރިޔާސީ އިންތިހާބާ ގުޅޭ ގޮތުން އެ ޕާޓީ އިން އަދި ވަކި ގޮތެއް ނުނިންމަވާ ކަމަށާއި އެ ޕާޓީއިން ޕްރައިމެރީއެއް ބާއްވައިފި ނަމަ އޭގައި ވާދަ ކުރައްވާނެ ކަމަށެވެ.
ގުޅިފައިވާ ޕާޓިތަކުން ރިޔާސީ އިންތިހާބުގައި އެއް ކެނޑިޑޭޓަކު ނެރުމަށް މަޝްވަރާކުރަމުން އަންނަ ކަމަށް ބުނެފައިވާއިރު އުމަރު ވިދާޅުވީ އެންމެ ފުރަތަމަ ބައްލަވާނީ ޖޭޕީ ޓިކެޓްގައި އިންތިހާބުގައި ވާދަކުރެއްވުމަށް ކަމަށެވެ. އަދި އެ ފުރުސަތު ލިބި ނުލެއްވިޔަސް އަމިއްލަ ކެނޑިޑޭޓެއްގެ ގޮތުގައި ވާދަކުރައްވާނެކަމުގެ ޔަގީންކަން އުމަރުވަނީ ދެއްވާފައެވެ
