މި ހަފުތާ ތެރޭގައި އެމްޑީޕީއަށް ފައިސާ ދޫކުރަން ފިނޭންސް މިނިސްޓްރީއަށް ހުށަހަޅާނެ ކަމަށް އިލެކްޝަން ކޮމިޝަން (އީސީ) އިން ބުނެފި އެވެ
އިލެކްޝަން ކޮމިޝަންގެ ތަރުޖަމާނު އަހުމަދު އަކްރަމް ވިދާޅުވީ މިދިޔަ ހަފްތާގައި އެމްޑީޕީއިން އެ ޕާޓީގެ އޮޑިޓް ރިޕޯޓް އީސީ އަށް ހުށަހަޅާފައިވާތީ އެ ޕާޓީއަށް ފައިސާ ހޯދަން ފިނޭންސަށް ހުށަހެޅުމަށް ނިންމައި އެކަމުގެ ތައްޔާރީތައް މިހާރު ކުރަމުންދާ ކަމަށެވެ. މީގެ އިތުރުން އަކްރަމް ވިދާޅުވީ މި ހަފްތާގެ ނިޔަލަށް އެ ޕާޓީއަށް ފައިސާ ދޫކުރާނެ ކަމަށެވެ
ގާނޫނުގައިވާ ގޮތުގެ މަތިން 10000މެންބަރުން ހަމަވާ ކޮންމެ ސިޔާސީ ޕާޓީއަކަށް އޮޑިޓް ރިޕޯޓާއި އަހަރީ ރިޕޯޓް ހުށަހަޅެމުން ބަންދު ދުވަސް ނުހިމެނޭ ގޮތަށް އަހަރުގެ ފުރަތަމަ ތިން މަސް ތެރޭގައި ފައިސާ ދޫކުރަން ޖެހެ އެވެ. އީސީ އިން ސިޔާސީ ޕާޓީތަކަށް މިއަހަރު 24 މިލިއަންއަށް ވުރެ ގިނަ ރުފިޔާ ދޫކުރަން ވަނީ ނިންމައިފަ އެވެ
