ގއ.މާމެންދޫ ނެރާއި ދިމާލުން ފަޅުތެރެއިން މަރުވެފައި އޮތް މީހެއްގެ ހަށިގަނޑު ފެނިއްޖެއެވެ.
މި މީހާ ފަޅުތެރެއިން ފެނިފައިވަނީ މިއަދު 9:30 ހާއިރުއެވެ.
މައުލޫމާތު ލިިބިފައިވާ ގޮތުގައި އޭނާ ފެނުނު އިރުވެސް އޮތީ މަރުވެފައެވެ. ފުލުހުން މިހާރު ވަނީ އޭނާގެ ހަށިގަނޑު ގއ. ވިލިނގިލީ ގައި ހުންނަ އަތޮޅު ހޮސްޕިޓަލަށް ގެންގޮސްފައެވެ.
ފުލުހުން މިހާރު އޭނާގެ ހަށިގަނޑު ގއ. ވިލިނގިލީގައި ހުންނަ އަތޮޅު ހޮސްޕިޓަލަށް ގެންގޮސްފައިވާއިރު، މަރުވެފައި އޮއްވާ ފެނިފައިވަނީ 39 އަހަރުގެ މީހެއްކަމަށް އެރަށު ކައުންސިލުން ހާމަކުރެއެވެ.
މާމެންދޫ ކައުންސިލްގެ ރައީސް މުޙައްމަދު ޒައީމް ވިދާޅުވީ މަރުވެފައި އޮއްވާ ފެނުނީ އެރަށު މޫންލައިޓް ވިލާ، މުޙައްމަދު ނާޝިދު ކަމަށާއި އޭނާގެ ހަށިގަނޑު ފެނުނު އިރު ގައިގެ އެއްވެސް ތަނަކަށް ޒަހަމެއް ލިބިފައިވާކަމުގެ ނިޝާނެއް ފެންނަން ނެތް ކަމަށެވެ..
ފުލުހުން ވިދާޅުވީި މިހާދިސާ އިތުރަށް ތަހުގީގު ކުރަމުންދާ ކަމަށެވެ.
