ރައީސް ޔާމިންގެ ދެވަނަ ދައުރުގެ، ކެމްޕެއިން ވޮލަންޓިއަރ ޕްރޮގްރާމު އިފްތިތާޙް ކޮށް އެންމެ ފުރަތަމަ ކެމްޕެއިން ވޮލިއަންޓިއަރަކީ މެޑަމް ފާތުން ކަމަށް އިޢުލާންކޮށްފިއެވެ.
މި ޕްރޮގްރާމް އިފްތިތާޙްކޮށްދެއްވީ، ރައީސް ޔާމީންނަށް އޮތް ތަޢީދު ހާމަކުރުމުގެ ގޮތުން ލ. އަތޮޅު ގަމު ތުނޑީ އަވަށުގައި ބޭއްވި ޚާއްޞަ ޖަލްސާގައި ރައީސުލްޖުމްހޫރިއްޔާގެ އަނބިކަނބަލުން ފާތިމަތު އިބްރާހީމްއެވެ. ރައީސް ޔާމީން ކެމްޕެއިން ވޮލެންޓިއަރ ޕްރޮގްރާމްގެ ފުރަތަމަ މެންބަރަކީ ރައީސްގެ އަނބިކަބަލުންނެވެ. މިރޭ ގެ ޖަލްސާގައި ވޮލެންޓިއަރ މެންބަރ ކަމުގެ ކާޑް ރައީސްގެ އަނިބިކަނބަލުންނާ ހާވާލުކުރެއްވިއެވެ. މިކާޑް އެކަމަނާއާ ހަވާލުކޮށްދެއްވީ ރައީސް ޔާމީން ކެމްޕެއިން އޮފީހުގެ ފަރާތުން އަދްލީ އިސްމާޢީލްއެވެ.
ލ. އަތޮޅުގައި”މި ތިބޫ ރައީސް ޔާމީނާއި އެކީ” ޖަލްސާގައި ވަނީ ރައީސް ޔާމީން ގެ ކެމްޕެއިން ވޮލިއުންޓަރުކަމަށް ކުރިމަތިލުމަށް ވަނީ ފުރުސަތު ހުޅުވާލާފައެވެ.
ރައީސް ޔާމިން ކެމްޕެއިން ވޮލެންޓިއަރ ޕްރޮގްރާމަކީ ރައީސް ޔާމީން ރިޔާސީ އިތުރު ދައުރަކަށް ހޮއްވެވުމަށް ކުރިއަށްދާ ކެމްޕެއިންގައި ބައިވެރިވުމަށް ޢާންމުކޮށް ރާއްޖޭއަށް ހުޅުވާލައިގެން ކުރިއަށް ގެންދާ ޕްރޮގްރާމެކެވެ. މި ޕްރޮގްރާމްގައި ބައިވެރިވާ ބޭފުޅުން މިއަހަރު ބާއްވާ ރިޔާސީ އިންތިޚާބު ރައީސް ޔާމީންނަށް ކާމިޔާބު ކޮށްދެއްވުމަށް މަސައްކަތް ކުރާނެއެވެ.
