އިންޑިއާއަށް ދަތުރުކުރާ ދިވެހިންނަށް ވިސާ ދިނުން މެދުކެނޑުމަށްފަހު، އަނެއްކާވެސް އިންޑިއަން ހައި ކޮމިޝަނުން އެޚދުމަތް އަލުން ދޭން ފަށައިފިއެވެ.
ޓެކްނިކަލް މައްސަލަތަކެއް ދިމާވެގެން ކަމަށް ބުނެ ވިސާ ދޫކުރުން މަޑުޖައްސާލުމަށްފަހު އެހިދުމަތް އަލުން ދޭން ފަށާފައިވަނީ މިދިޔަ އަންގާރަ ދުވަހެވެ.
އަލުން ޚިދުމަތް ދޭން ފެށުމާއެކު ވިސާ ޖެހުމުގައި އެއްވެސް ދައްޗެއް ނުވާނެ އުސޫލުތަކުގެ މަތިން މިހާރު ވިސާ ދޫކުރަން ފަށާފައިވާކަމަށް އިންޑިއަން ހައިކޮމިޝަނުން ބުނެއެވެ،
ސިސްޓަމަށް ދިމާވި މައްސަލައެއްގެ ސަބަބުން ބުރޫ އަރާފައިވަނީ އާންމު އުސޫލުގެ ދަށުން ވިސާ ދޫކުރުމަށްކަމަށާއި ވިސާ ދޫކުރުމުގެ ޚިދުމަތް އެއްވެސް އިރެއްގައި މުޅިން ހުއްޓާލާފައި ނުވާކަމަށް އެމްބަސީން ބުނެއެވެ.
ބޭސްފަރުވާއަށާއި، އެހެނިހެން ބޭނުންތަކުގައި އާންމުކޮށް ދިވެހިންގޮސް އުޅޭ އިންޑިއާގެ ވިސާ ހޯދަން ހުށަހެޅުމުން ދެ ތިން ދުވަސް ތެރޭގައި ވިސާ ލިބެ އެވެ.
