ރޭ ސަރުކާރާއި ދެކޮޅަށް އިދިކޮޅު ފަރާތްތަކުން ކުރިއަށް ގެންދިޔަ މުޒާހަރާގައި ޖުމްލަ 141 މީހަކު ހައްޔަރުކުރި ކަމަށާއި އެކަމަކު މި ވަގުތު ފުލުހުންގެ ބެލުމުގެ ދަށުގައި ތިބީ 139 މީހުން ކަމަށް ފުލުސް އޮފީހުން ބުނެފިއެވެ
މިއަދު ފުލުހުންގެ މީޑިއާ އޮފިޝަލަކު ވިދާޅުވީ ފުރަތަމަ ފުލުހުންގެ ބެލުމުގެ ދަށަށް ގެންދިޔައީ 115 ފިރިހެނުންނާއި 26 އަންހެނުން ކަމަށެވެ. ނަމަވެސް މިހާރު ފުލުހުންގެ ބެލުމުގެ ދަށުގައި ތިބީ 113 ފިރިހެނުންނާއި 26 އަންހެނުން ކަމަށް އޭނާ ވިދާޅުވި އެވެ
ރޭގެ މުޒާހަރާގައި އެމްޑީޕީގެ ޕާލަމެންޓްރީ ގްރޫޕް ލީޑަރު އަދި ހިންނަވަރު ދާއިރާގެ މެންބަރު އިބްރާހީމް މުހައްމަދު ސޯލިހު (އިބޫ) އާއި ރާއްޖެ ޓީވީގެ ތިން ނޫސްވެރިއަކު ވެސް ވަނީ ހައްޔަރުކޮށްފަ އެވެ.މީގެ އިތުރުން އެމްޑީޕީ މެމްބަރު އަލީ އާޒިމާއި ޖުމްހޫރީ ޕާޓީގެ މެމްބަރު ހުސެން މުހައްމަދު ވެސް ވަނީ ހައްޔަރުކޮށްފަ އެވެ
