ރައްޔިތުންގެ މަޖިލީހުގެ މިހިނގާ ދައުރާއި ދެވަނަ ދައުރަށް ހުށަހެޅުމަށްޓަކައި 12 ބިލެއްގެ މަސައްކަތް ސަރުކާރުން ނިންމާފައިވާކަން ބަންޑާރަނައިބު އަޙްމަދު އުޝާމް ވަނީ އިއުލާން ކުރައްވާފައެވެ. މި ބިލުތަކުގެ ތެރޭގައި ޑިޖިޓަލް ޒަމާނަށް ރާއްޖެ ފައްކާކުރުމަށާއި، އާންމުންގެ ރައްކާތެރިކަމަށް މުހިންމު ބިލުތަކެއް ހިމެނެއެވެ.

މުހިންމު ބައެއް ބިލުތައް:

1. ޒާތީ މައުލޫމާތު ރައްކާތެރިކުރުމުގެ ބިލު: އާންމު ރައްޔިތުންގެ ޒާތީ މައުލޫމާތު އެއްކުރުމާއި، ބޭނުންކުރުމުގައި ހާމަކަން ބޮޑު ނިޒާމެއް ގާއިމުކޮށް، މައުލޫމާތުގެ ވެރިފަރާތުގެ ހައްގުތައް ކަށަވަރުކުރުން.
2. “މޯލްޑިވްސް 2.0″ ގެ ދަށުން ޑިޖިޓައިޒޭޝަން ބިލުތައް: މޯލްޑިވްސް 2.0” ގެ ދަށުން ޑިޖިޓައިޒޭޝަނާ ގުޅޭ 3 ބިލެއް މިދައުރުގެ ތެރޭގައި ހުށަހަޅުއްވަން ތައްޔާރުވެފައިވާ ކަމަށް ބަންޑާރަނައިބު ވިދާޅުވިއެވެ. މީގެ ތެރޭގައި ހިމެނެނީ ސައިބަރ ސެކިއުރިޓީއާ ބެހޭ ބިލަކާއި ޑިޖިޓަލް ޓްރާންސްފޮމޭޝަނާ ގުޅޭ ބިލަކާއި ޑިޖިޓަލް އައިޑެންޓިޓީއާ ގުޅޭ ބިލް
3. ގާނޫނުއަސާސީއަށް ގެންނަ އިސްލާހުތައް: ޖޭއެސްސީ އެކުލެވިގެންވާ ގޮތަށާއި، މަޖިލިސް މެންބަރުންގެ އަދަދު ކަނޑައެޅުމާ ގުޅޭ އިސްލާހުތައް.

4. ސިޔާސީ ޕާޓީތަކުގެ ގާނޫނު: މެންބަރުންގެ ގޮނޑި ގެއްލޭ ހާލަތްތަކާ ގުޅިގެން ގެންނަންޖެހޭ ބަދަލުތައް.

   

   AD

5. ރާއްޖޭގައި މަރުގެ އަދަބު ތަންފީޒު ކުރުމާ ގުޅޭ ހާއްސަ ގާނޫނެއް އެކުލަވާލުން.

6. ނަފްސާނީ ދުޅަހެޔޮކަމާ ގުޅުންހުރި ބިލް

މީގެ އިތުރުން އިމިގްރޭޝަން ގާނޫނާއި ފަޅުރަށްތަކާ ބެހޭ ގާނޫނު މުރާޖައާކޮށް އައު ގާނޫނުތަކެއް ހުށަހެޅުމަށާއި، ތަޢުލީމީ ގަނޫނަށް އިސްލާހު ގެނައުމަށްވެސް ސަރުކާރުން ވަނީ ނިންމާފައެވެ.