އައްޑޫ ސިޓީގައި ފުޅާ ދާއިރާއެއްގައި މަސްތުވާތަކެތީގެ ވިޔަފާރި ކުރާކަމުގެ ތުހުމަތުގައި ހައްޔަރު ކުރި 7 މީހުން ދޫކޮށްލައިފިއެވެ.
މި މައްސަލައިގައި ހައްޔރުކޮށްފައިވަނީ
އެމީހުންގެ މައްޗަށް ކޮށްފައިވަނީ ކުށް ކުރާ ޖަމާއަތެއްގައި ބައިވެރިވުމުގެ ކުށުގެ ތުހުމަތާ މަނީ ލޯންޑްރިންގެ ކުރުމުގެ ތުހުމަތެވެ.
ޕްރޮސެކިއުޓާ ޖެނެރަލް އޮފީސް (ޕީޖީ) އިން ބުނީ، ސ. ހިތަދޫ، ކޮންމުލި، އަލީ ނަދީމް އާއި، އިތުރު ބަޔަކު ބައިވެރިގެން އައްޑޫ ސިޓީގައި ފުޅާ ދާއިރާއަކަށް މަސްތުވާތަކެތި ވިއްކައި ވިޔަފާރިކޮށް، އެކަމުން ހޯދާ ފައިސާ ލޯންޑާ ކުރާ ކަމަށް ތުހުމަތު ކުރެވޭ މައްސަލައިގެ ތަހުގީގު މުއްދަތު ހަމަވެފައިވާ ކަމަށެވެެ.
ޕީޖީން ބުނީ މައްސަލަ ތަހުގީގު ކުރުމަށް ގާނޫނުގައި ކަނޑައެޅިފައިވާ މުއްދަތު ހަމަވުމާ ހަމައަށް ލިބިފައިވާ ހެކި ގަރީނާ ވަޒަންކޮށް ބެލިއިރު، މި މައްސަލާގައި ތުހުމަތުކުރެވޭ މީހުން، ކުށްކުރާ ޖަމާއަތެއްގައި ބައިވެރިވިކަން ނުވަތަ މަނީ ލޯންޑާ ކުރިކަން ގާނޫނުގައި ކަނޑައެޅިފައިވާ މިންގަނޑަށް ސާބިތުކޮށްދެވޭ މިންވަރަށް ހެކި ގަރީނާ ލިބިފައި ނުވާ ކަމަށެވެ.
މި މައްސަލައިގެ ތަހުގީގު މުއްދަތު ގާނޫނު ތަންދޭ އެންމެ ދިގު މުއްދަތާ ހަމައަށް އެކި ފަހަރު މަތިން އިތުރުކޮށްދީފައިވާ ކަމަށް ވެސް ޕީޖީ އިން ބުނެއެވެ. ނަމަވެސް، އެ މުއްދަތުގެ ތެރޭގައި ތަހުގީގު އެކަށީގެންވާ ވަރަށް ފުރިހަމަކުރެވި، ދައުވާ ކުރެވޭ މިންވަރަށް ހެކި ގަރީނާ ހޯދިފައި ނުވާ ކަމަށް އެ އޮފީހުން ބުނެއެވެ.
ޖިނާއީ އިޖުރާއަތުގެ ގާނޫނުގެ ދަށުން، ތަހުގީގު ކުރުމަށް ކަނޑައެޅިފައިވާ މުއްދަތުގެ ތެރޭގައި ދައުވާ ކުރެވޭ މިންވަރަށް ހެކި ލިބިފައި ނުވާ ނަމަ، ތަހުގީގީ އިދާރާއިން އެ މީހަކު ބަންދުން ދޫކޮށްލަންވާނެ ކަމަށް ބަޔާންކޮށްފައި ވެއެވެ. އެހެންކަމުން އެ ނިންމުމާއެކު މައްސަލާގައި ތުހުމަތުކުރެވޭ މީހުންގެ ތެރެއިން ބަންދުގައި ތިބި މީހުން ބަންދުން ދޫކޮށްލުމަށް ލަފާ ދީފައިވާ ކަމަށް ވެސް ޕީޖީ އިން ބުނެއެވެ.
މި މައްސަލާގައި ދައުވާ ކުރެވޭ މިންވަރަށް މިވަގުތަށް ހެކި ގަރީނާ ލިބިފައި ނުވާތީ މައްސަލަ ޑިކްލައިން ކުރި ނަމަވެސް، އާ ހެކި ލިބިއްޖެ ހާލަތެއްގައި، ޖިނާއީ އިޖުރާއަތުގެ ގާނޫނުގެ 94 ވަނަ މާއްދާގެ (ވ) ގެ ދަށުން އަލުން ދައުވާ ކުރުމަށް އެދި ހުށަހެޅުމަށް ފުލުހުންނަށް ލަފާ ދީފައިވާ ކަމަށް ޕީޖީ އިން ބުނެއެވެ.
