1. މިއީ ކަލޭގެ ނިންމުމެއް ހެއްޔެވެ؟ ނުވަތަ މިއީ ނަތަންޔާހޫގެ ޕްރެޝަރު ހެއްޔެވެ؟

2. ޙަމަލާދިނުމުގެ ކުރިން ކޮލޭޓްރަލް ޑެމޭޖް، ކަލޭ ހިސާބު ޖެހިން ހެއްޔެވެ؟

3. ކަލޭ، ޤަލްފުގެ ޤައުމުތައް، އެ ޤައުމުތަކުން އިޚުތިޔާރުނުކުރާ ނުރައްކަލެއްގެ ތެރެއަށް ވައްޓައިލީމުއެވެ.

4. ކަލޭމެންގެ “ޞުލްޙައިގެ ބޯޑު” ގެ އިސްނެގުމަށް ފަންޑުކުރަނީ ގަލްފުގެ ޤައުމުތަކުންނެވެ. މިހާރު އަހުރެމެންނަށް ޙަމަލާ ދެވެނީއެވެ. އެ ފައިސާތައް ދިޔައީ ކޮންތާކަށް ހެއްޔެވެ؟

5. ހަނގުރާމަ ނުކުރާނެ ކަމަށް ކަލޭ ވަޢުދުވީމުއެވެ. އެކަމަކު، 7 ޤައުމަކަށް ކަލޭ ޙަމަލާދީފީމުއެވެ. އެއީ، ސޯމާލިއާ، ޢިރާޤު، ޔަމަން، ނައިޖީރިއާ، ސީރިއާ، އީރާން، އަދި ވެނެޒުއެލާއެވެ.

6. ކަލޭގެ ވެރިކަމުގެ ފުރަތަމަ އަހަރު، 658 ވައިގެ ޙަމަލާތައް ދީފީމުއެވެ. ކަލޭ މިހާތަނަށް ދިން ޙަމަލާތައް، އެމީހަކަށް ކަލޭ ފާޑުކިޔާ ޖޯ ބައިޑަންގެ މުޅި ދައުރާ ނުބައްދަލެވެ.

7. ހަނގުރާމައިގެ އޮޕަރޭޝަންތަކަށް 40-65 ބިލިއަން ޑޮލަރު ޚަރަދުވާއިރު، ޖުމްލަ 210 ބިލިއަން ޑޮލަރު ޚަރަދުވުމަކީ އެކަށީގެންވާ ކަމެކެވެ.

8. ކަލޭގެ ވެރިކަމުގެ 400 ދުވަހުގެ ތެރޭގައި ކަލޭގެ މަޤުބޫލުކަން ވަނީ %9 ދަށްވެފައެވެ.

9. އެމެރިކާގެ ރައްޔިތުންނަށް ކަލޭ ވަޢުދުވީ ސުލްޙައެވެ. އެކަމަކު، އެމީހުންގެ ޓެކްސް ފައިސާއިން ފަންޑުކޮށްގެން، އެމީހުންނަށް ލިބުނީ ހަނގުރާމައެވެ.

އެސިޓީގައި ފާހަގަކޮށްފައިވާ އެންމެ މުހިންމު ފޮޅުވަތަކީ، “ކަލޭމެންގެ ޞުލްޙައިގެ ބޯޑުގެ އިސްނެގުމުގެ، ދެލި ހިކުމުގެ ކުރިން، މުޅި ސަރަހައްދު ނުރައްކަލަށް ހުށަހެޅިފައިވާ އަސްކަރީ ހަމަނުޖެހުމަކާއި އަހުރެމެންނަށް މިވަނީ ކުރިމަތިވެފައެވެ. އެހެންވީމާ ޞުލްޙައިގެ އެ އިސްނެގުން ދިޔައީ ކޮންތާކަށް ހެއްޔެވެ؟”

އަލް ހަބްތޫރަކީ ތަރުތީބެއް ނެތް ފާޑުކިޔުން ތެރިއެއް ނޫނެވެ. އޭނައަކީ މުއައްސަސާއެކެވެ. ގުޅުންތައް ޤާއިމުކޮށްފައިވާ ފަރާތެކެވެ. ޢަރަބި ޢިމާރާތުގެ އަޝްރާފުން، ޓުރަމްޕްގެ ނިންމުންތަކާ މެދު އާންމުކޮށް ސުވާލު އުފައްދަން ފެށުމުން، އެމެރިކާގެ އެންމެ ގާތް ޢަރަބި އެކުވެރިން ބުނަނީ، ޞުލްޙައިގެ ބޯޑުގައި “އަހުރެމެން ސޮއިކުރީ މިދުވަސް ދެކޭކަށް ނޫން ކަމަށެވެ.”

ސިޓީ ނިންމާލަމުން ބުނެފައިވެއެވެ. “ޙަޤީޤީ އިސްދާނަކަން މިންކުރަނީ ހަނގުރާމައިގެ ނިންމުންތަކަކުން ނޫނެވެ. އެކަމަކު، އެއީ ޙިކުމަތާއި، އެހެން މީހުންނަށް އިޙުތިރާމު ކުރުމާއި، ސުލްޙަ ހޯދައިދިނުމަށް ބާރުއެޅުމުންނެވެ.”