ރޯދައަށް ހުރެ، އެ މީހާ ހުރީ ރޯދައަށްކަން ހަނދާން ނެތި، ކައިބޮއިގެން އެ މީހެއްގެ ރޯދަ ނުގެއްލޭނެއެވެ. އަދި އެ ކަމުގެ ސަބަބުން އޭނާގެ މައްޗަށް ހަމައެކަނި އޮތީ އެ ދުވަހުގެ ރޯދަ ފުރިހަމަ ކުރުމެވެ. މިއީ ޖުމުހޫރު، ޙަނަފީ، ޝާފިޢީ އަދި ޙަންބަލީ ދަންނަބޭކަލުންގެ މަޛްހަބެވެ.
ރޯދަވެރިޔާގެ ޤަޞްދަކާ ނުލައި އޭނާގެ އިޚްތިޔާރުން ބޭރުން، ހިރަފުސް ނުވަތަ [ދުން] ފަދަ އެއްޗެއް އޭނާގެ ކަރުގެ އެތެރެއަށް ދާ ދިއުމުގެ ސަބަބުން އޭނާގެ ރޯދަ، ޖުމުލަކޮށް ބުނާނަމަ، ނުގެއްލޭނެއެވެ. މި ކަމުގެ މައްޗަށް އިބްނުލްމުންޛިރާއި އިބްނު ޙަޒްމާއި އިބްނު ޤުދާމާއާއި އައްނަވަވިއްޔު އަދި އަލްޚަރްޝިއްޔު އިޖުމާޢު ނަޤުލު ކުރައްވާފައި ވެއެވެ.
މިއީ ﷲ ތަޢާލާގެ ހަޟްރަތުން ލިބިގެންވާ ރަޙްމަތެކެވެ. އެއީ ކީރިތި ރަސޫލާ ﷺ ޙަދީޘްކުރައްވާފައިވާ ފަދައިންނެވެ: “ރޯދައަށް ހުރިކަން ހަނދާންނެތިގެން ކައިބޮއި ހަދައިފި މީހާ، އޭނާގެ ރޯދަ ފުރިހަމަކުރާހުށިކަމެވެ! އެހެނީ އޭނާއަށް ކާންދެއްވައި ބޯންދެއްވީ ހަމަކަށަވަރުން ﷲ އެވެ.” (ޞަޙީޙުލް ބުޚާރީ: 1933).
މިފަދަ ޙާލަތްތަކުގައި ސަމާލުކަން ދޭންޖެހޭ މުހިންމު ކަންތައްތަކަކީ:
ޚުލާޞާއަކީ، ހަގީގަތުގައިވެސް ހަނދާންނެތިގެން ކުރެވުނު ނަމަ، ރޯދަ ޞައްޙަވާނެއެވެ. އަދި ރޯދަ ފުރިހަމަކުރަންވާނެއެވެ.
މައުޟޫމާތު: ދީނީ ދަންނަބޭކަލުންގެ ފަތުވާތަކުން
