މި ފިއުލް ޝެޑަކީ ރާއްޖޭގެ ކޮންމެ އަތޮޅެއްގައި ވެސް، މާލެއާ އެއް އަގެއްގައި ނުވަތަ “އެސްޓީއޯ ރޭޓު” ގައި މަސްވެރިންނަށް ތެޔޮ ލިބޭނެ ނިޒާމު ގާއިމުކުރުމުގެ މަޝްރޫއުގެ ދަށުން ހުޅުވުނު ފުރަތަމަ ތަނެވެ. މިކަމުގެ ސަބަބުން ދުވާފަރުގައި މަސްވެރިކަން ކުރާ ފަރާތްތަކަށް ތެޔޮ ހޯދުމަށް ކުރާ ހޭދަ ކުޑަވެގެން ދާނެއެވެ.
ސަރުކާރުގެ އަމާޒަކީ އަންނަ އަހަރުގެ މާޗު މަހުގެ ނިޔަލަށް ހުރިހާ އަތޮޅެއްގައި ވެސް މި ހިދުމަތް ގާއިމުކުރުމެވެ. މި ގޮތުން ކޮންމެ އަތޮޅަކުން ވެސް އެސްޓީއޯ ރޭޓުގައި ތެޔޮ ލިބޭނެ އިންތިޒާމު ހަމަޖެއްސުމަށް ސަރުކާރުން އަންނަނީ މަސައްކަތް ކުރަމުންނެވެ.
