ދެކުނު އޭޝިއާގެ އެންމެ ބާރުގަދަ ޕާސްޕޯޓްގެ މަގާމު ރާއްޖެއިން އަނެއްކާވެސް ދިފާއުކޮށްފި އެވެ.
ހެންލީ ޕާސްޕޯޓް އިންޑެކްސްގައި ވޭތުވެދިޔަ ފަސް އަހަރު ވެސް ރާއްޖެ އޮތީ ދެކުނު އޭޝިއާގެ އެންމެ ބާރުގަދަ ޕާސްޕޯޓްގެ މަގާމުގަ އެވެ. އެއީ ދުނިޔޭގެ ރޭންކިންގައި 53 ވަނަ އެވެ. ހެންލީ ޕާސްޕޯޓް އިންޑެކްސްއިން އެންމެ ވަރުގަދަ ޕާސްޕޯޓުތައް ކަނޑައަޅަނީ ކުރީ ބައިގައި،، ވިސާއަކާ ނުލައި އެންމެ ގިނަ ގައުމުތަކަށް ދަތުރު ކުރެވޭ ޕާސްޕޯޓުތަކަށް ބަލައިގެންނެވެ.
ރާއްޖެ ޕާސްޕޯޓު ބޭނުން ކޮށްގެން 94 ގައުމަކަށް ވިސާއަކާ ނުލައި ދަތުރު ކުރެވޭނެއެވެ.
މިދިޔަ އަހަރުވެސް ރާއްޖެ އަށް މި މަގާމު ލިބިފައިވާއިރު މި ސަރަހައްދުން ރާއްޖެ އާ އެންމެ ގާތުން މި މަގާމަށް ވާދަކޮށްފައި ވަނީ އަވަށްޓެރި އިންޑިއާއެވެ. ވިސާއަކާ ނުލައި އިންޑިއާ ޕާސްޕޯޓު ބޭނުން ކޮށްގެން ޖުމްލަ 57 ގައުމަކަށް ދަތުރު ކުރެވޭ އިރު އެ ގައުމު އޮތީ ދުނިޔޭގެ ލިސްޓުގެ 85 ގައެވެ. މިދިޔަ އަހަރު އިންޑިއާ އޮތީ ލިސްޓުގެ 82 ވަނައިގައެވެ.
މިއަހަރު ވެސް ދުނިޔޭގެ އެންމެ ބާރުގަދަ ޕާސްޕޯޓްގެ މަގާމު ލިބުނީ ވިސާއާ 195 ގައުމަކަށް ދަތުރު ކުރެވޭ ސިންގަޕޫރުގެ ޕާސްޕޯޓަށެވެ. އަދި ދެވަނައިގައި އޮތީ ދުނިޔޭގެ އެންމެ ބާރުގަދަ ޕާސްޕޯޓްގެ މަގާމު މިދިޔަ އަހަރާ ހަމައަށް ދެމެހެއްޓި ޖަޕާނެވެ.
