ހައުސިން ޑިވެލޮޕްމެންޓް ކޯޕަރޭޝަން(އެޗްޑީސީ)ގެ ކުރީގެ މެނޭޖިން ޑިރެކްޓަރުގެ އިބްރާހިމް ފަޒުލް ރަޝީދު ދިރިއުޅެމުންދާ ގެ ބަލާ ފާސްކޮށްފިއެވެ.
ފުލުހުން ބުނީ އެ އިދާރާއިން ތަހުގީގު ކުރަމުންދާ މި މައްސަލައިގެ ތަހުގީގަށް ކޯޓު އަމުރެއްގެ ދަށުން ފަޒުލް ދިރިއުޅުއްވަމުންދާ ގެ ބަލައިފާސްކޮށްފައި ވަނީ ރޭގެ ވަގުތެއްގައެވެ.
ފުލުހުން ބުނީ ފަޒުލްގެ ބަލައި ފާސްކޮށް ތަހުގީގަށް ބޭނުންވާ ބައެއް ތަކެތި ވަނީ ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ. އަދި އޭގެތެރޭގައި ބައެއް އިލެކްޓްރޯނިކް ސާމާނު ހިމެނޭ ކަމަށް ވެސް ފުލުހުން ވަނީ ބުނެފައެވެ.
ބިންވެރިޔާ ސްކީމްގެ ދަށުން ގޯތި ލިބޭ މީހުންގެ ލިސްޓުގައި ނެތް ބަޔަކަށް ގޯތި ދޫކުރި މައްސަލައެއް ފެންމަތިވެފައިވާއިރު، އެޗްޑީސީގެ މެނޭޖިން ޑިރެކްޓަރުގެ މަގާމުން ފަޒުލް އިސްތިއުފާ ދެއްވާފައި ވަނީ މި މައްސަލައިގެ ތަހުގީގު ކުރިއަށްދަނިކޮށެވެ.
