މިހާރު ރާއްޖެއަށް ކުރަމުންދާ ވިއްސާރައިގައި މާލެއަށް ބޯކޮށް ވާރޭވެހި ފެން ބޮޑުވެއްޖެއެވެ.
މާލޭގެ ބޮޑު ސަރަަހައްދެއްގައި، ހާއްސަކޮށް މާފަންނުގެ އެކި ހިސާބުތަކުގައި ވަރަށް ބޮޑަށް ފެންބޮޑުވެފައިވާއިރު މެޓް އޮފީހުގެ ތަފާސްހިސާބުތައް ދައްކާ ގޮތުން މިދިޔަ 24 ގަޑިއިރު މާލެއަށް 136.5 މިލިމީޓަރުގެ ވާރޭވެހިފައިވެއެވެ.
ފެން ހިނދުމުގެ މަސައްކަތް ސިފައިން ކުރަމުން އަންނައިރު މާލޭގެ ފަސް ސަރަހައްދެއްގައި 16 ޕަންޕު ވަނީ ބަހައްޓާފައެވެ. މީގެ އިތުރުން ފެންބޮޑުވެފައިވާ ސަރަހައްދުގައި ވެލި ބަސްތާ ޖެހުމުގެ މަސައްކަތްވެސް ސިފައިން އަންނަނީ ކުރަމުންނެވެ.
ނޭޝަނަލް ޑިޒާސްޓާ މެނޭޖްމެންޓް ސެންޓަރުން ވެސް ބުނީ ވާރޭވެހި މާލޭގައި ފެންބޮޑުވެފައިވާތީ އިދާރާތަކާ ގުޅިގެން މަސައްކަތް ކުރަމުން އަންނަ ކަމަށެވެ.
