ރޭ ހުޅުމާލޭގައި ޓެކްސީ ޑްރައިވަރުން ބޭއްވި އިހުތިޖާޖުން ތިން މީހަކު ހައްޔަރުކުރި ކަމަށް ފުލުހުން ބުނެފިއެވެ.
މާލެ އާއި ހުޅުމާލެއާ ދެމެދު މިހާރަށް ވުރެ ރަނގަޅަށް ޓެކްސީގެ ހިދުމަތް ދިނުމުގެ ބޭނުމުގައި ސަރުކާރުން ޓެކްސީ ފްލީޓެއް ފެށުމަށް ނިންމި ނިންމުމާ ދެކޮޅާށް ޓެކްސީ ޑްރައިވަރުން ކުރިއަށް ގެންދިޔަ އިހްތިޖާޖުގައި ހުޅުމާލެއިން ހައިވޭއަށް އަރާ މަގު ބަންދުވާ ގޮތަށް ކާރުތައް ބާއްވާ އިހުތިޖާޖުގެ ބައިވެރިން އަޑު އުފުލާފައިވެއެވެ.
ފުލުހުން ބުނީ އެ މައްސަލައާއި ގުޅިގެން ތިން މީހަކު ހައްޔަރު ކުރި ނަމަވެސް އެކަކު ޝަރުތުތަކަކާއެކު ދޫކޮށްލާފައިވާކަމަށެވެ. އަދި އަނެއް ދެ މީހުން 5 ދުވަހަށް ބަންދުކޮށްފައިވާ ކަމަށް ފުލުހުން ވަނީ ބުނެފައެވެ.
މީގެ އިތުރުން ފުލުހުން ބުނީ ހުޅުމާލެއިން ހައިވޭއަށް އަރާ މަގު ބަންދުވާ ގޮތަށް ބޭއްވި ޖުމްލަ 22 ޓެކްސީ ޓޯ ކޮށްފައިވާ ކަމަށެވެ.
