މިދިޔަ ބުރާސްފަތި ދުވަހުގެ ރޭ މާލޭގައި، ވަޅިން ބިރު ދައްކައި އަންހެނަކު ރަހީނުކުރި މައްސަލައިގައި ހައްޔަރުކުރި އާދަމް އަތުހަރު ދޫނިދޫ ޖަލު ގޮޅީގައި ދަންޖެހިފައި ހުއްޓާ ފެނުނީ ޖަލު ގޮޅިތަކުގެ ކެމެރާ މޮނިޓަ ކުރަމުން ދަނިކޮށް ކަމަށް ފުލުހުން ބުނެފިއެވެ.
އަތުހަރު ދަންޖެހުނު ހާދިސާއާ ގުޅޭ ގޮތުން ފުލުހުން އާންމުކުރި ޓައިމްލައިންގައިވާ ގޮތުން އޭނާ ދަންޖެހިފައި ހުއްޓާ ފެނުނީ އިއްޔެ އިރު އޮއްސި 7:02 ގައެވެ. އެ ޓައިމްލައިނުން ދައްކާ ގޮތުން ހަމަ އެ ވަގުތު ގޮޅިއަށް ވަދެ އަތުހަރު ނަގައި ބިންމަތީ ބޭއްވާފައިވެއެވެ. އަދި އޭގެ ތިން މިނެޓް ފަހުން ސްޓްރެޗަރުގައި އޭނާ ނެރެގެން އެއް މިނެޓް ތެރޭ ދޫނިދޫ ކްލިނިކަށް ގެންދިޔަކަމަށް ދައްކަައެވެ.
އެ ޓައިމްލައިންގައިވާ ގޮތުން އޭގެ 8 މިނެޓް ފަހުން 7:14 ވީއިރު އަތުހަތު ލޯންޗެއްގައި މާލެ ގެނައެވެ. އަދި 7:17 ގައި އެމްބިއުލާންސަށް އަރުވައި 7:25 ވީއިރު އައިޖީއެމްއެޗްގެ އިމަޖެންސީއަށް ގެންދިޔަ ކަމަށް ދައްކައެވެ.
އަންހެނަކު ރަހީނުކުރި މައްސަލައިގައި އަތުހަރު ފުރަތަމަ މަސައްކަތް ކުރީ އަންހެން މީހާ ގޮވައިގެން ފިލުމަށެވެ.
