ރޭ މާލެ ސަރަހައްދުގައި ދެ ލޯންޗެއް ޖެހި ހިނގި އެކްސިޑެންޓެއްގައި ގިނަ ބަޔަކަށް އަނިޔާވެއްޖެއެވެ.
މެރިން ފުލުހުން ބުނީ ރޭ 23:00 އެހާކަންހާއިރު ހުޅުލެ ނެރު ކައިރިން ދެ ލޯންޗު ޖެހި އެކްސިޑެންޓުވުމާއި ގުޅިގެން މެރިން ޕޮލިހުން ހަރަކާތްތެރިވެފައިވާކަމަށެވެ. އަދި މި އެކްސިޑެންޓްގައި 7 މީހަކަށް އަނިޔާވުމާއި ގުޅިގެން އައިޖީއެމް ހޮސްޕިޓަލަށް ގެންދެވިފައިވާކަމަށް އެ އިދާރާއިން ވަނީ ހާމަކޮށްފައެވެ.
މި އެކްސިޑެންޓާއި ގުޅޭ އިތުރު އެއްވެސް ތަފްސީލެއް ކަމާއި ގުޅޭ އިދާރާތަކުން އަދި ހާމަކޮށްފައި ނުވާއިރު މި އެކްސިޑެންޓު ހިނގުމަށް މެދުވެރިވި ސަބަބުވެސް އަދި ސާފުވެފައެއް ނުވެއެވެ. ފަހަކަށް އައިސް މާލެ ސަރަހައްދުގައި ކަނޑުމަތީގެ އެކްސިޑެންޓުތައް ހިނގާ އަދަދު އިތުރުވަމުން އަންނައިރު، މިފަދަ ހާދިސާތަކުގައި ބައެއް މީހުންގެ ފުރާނައަށް ނުރައްކާވެފައިވެއެވެ.
