ފަލަސްޠީނަށް އިންސާފު ހޯދައި ދީ އެ މިނިވަންކުރުމަށް ވަރަށް މުހިންމު މުހިންމު ލަނޑދަނޑިއެއް ހާސިލުވެފައިވާކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ފަލަސްތީނަށް އދ ގެ މެންބަރުކަން ދިނުމަށް އދ ގެ ޖެނެރަނަލް އެސަންބުލީން މިއަދު ފާސްކުރުމާއި ގުޅިގެން ރައީސް މުއިއްޒު މިރޭ ވިދާޅުވީ, މިއީ އދ ގެ ޖެނެރަލް އެސެމްބްލީގެ 10 ވަނަ އިމަޖެންސީ ސްޕެޝަލް ސެޝަނުގައި ފަލަސްޠީނުގެ ރައްޔިތުންނަށް އިންސާފުހޯދުމަށް ގެންދާ މަސައްކަތުގައި ލިބިގެންދިޔަ ކުރިއެރުމެއްކަމަށެވެ. މި ސެޝަންގައި އދ ގެ އަލަށް މެމްބަރަކަށް ފަލަސްތީނު ގެންނަން ފާސްކުރި ރިޒޮލިއުޝަންގައި ބައިނަލްއަގުވާމީ މުޖްތަމަޢުން އެޅި ފިޔަވަޅަކީ ވަރަށް މުހިންމު ފިޔަވަޅެއް ކަމަށް ވެސް އެމަނިކުފާނުވިދާޅުވިއެވެ.
ފަލަސްޠީނުގެ ރައްޔިތުން ގިނަ ދުވަހުވަންދެން ސުލްހަވެރިކަމާއެކު އެމީހުންގެ ޙައްގުތައް ކަށަވަރުކުރުމަށް ކުރަމުން އަންނަ މަސައްކަތުގައި އެމީހުންގެ ކެތްތެރިކަމާއި ވިރުވެރިކަމުން ރާއްޖެއާއި ރާއްޖޭގެ ރައްޔިތުންނަށް ލިބިގެންދަނީ ވަރަށް ބޮޑު ހިތްވަރެއް ކަމުގައި ރައީސް ވިދާޅުވިއެވެ. އަދި 1967 ގެ ކުރިން އޮތް ސަރަހައްދުތަކުގެ ތެރޭގައި މިނިވަންކަމާއެކު ފަލަސްޠީނުގެ ދައުލަތެއް ޤާއިމްކުރުމަށް، އިރުމަތީ ގުދުސް ވެސް ހިމެނޭ ގޮތަށް ރާއްޖެއިން ކުރަމުން އަންނަ މަސައްކަތުގައި ސާބިތުކަމާއެކު ތިބޭނެކަމުގައި ވެސް އެމަނިކުފާނު ވިދާޅުވިއެވެ.
