ރިޔާސީ އިންތިހާބު ގެ ފުރަތަމަ ބުރުގައި މަސައްކަތް ކުރި އޮފިޝަލުންގެ އެލަވަންސް މި ހަފުތާތެރޭ ޖަމާކުރާނެ ކަމަށް އިލެކްޝަންސް ކޮމިޝަނުން ބުނެފިއެވެ.
އީސީގެ ނައިބުރައީސް އިސްމާއިލް ހަބީބް ވިދާޅުވީ މާލޭ މަރުކަޒުތަކުގައި މަސައްކަތް ކުރެއްވި އޮފިޝަލުންނާއި، ރިޒާވް އޮފިޝަލުންގެ އިތުރުން ޓްރޭނަރުންނާއި، ކޯޑިނޭޓަރުންގެ އިތުރުން ލިއޭޒަން އޮފިސަރުންނަށް ވެސް މި ހަފުތާގެ ތެރޭގައި އެލަވަންސް ޖަމާވާނެކަމަށެވެ.
ރިޔާސީ އިންތިހާބު 2023 ގެ ފުރަތަމަ ބުރުގެ ޓްރޭނަރުންނާއި، ކޯޑިނޭޓަރުންނާއި، ލިއޭޒަން އޮފިސަރުންނާއި، މާލޭ ސަރަހައްދުގެ ވޯޓުލާ މަރުކަޒުތަކުގައި މަސައްކަތް ކުރެއްވި އޮފިޝަލުންނާއި، ރިޒާވް އޮފިޝަލުންގެ އެލަވަންސް
މި ހަފްތާގައި ޖަމާވާނެ. އަތޮޅުތަކުގެ ބައިގެ މަސައްކަތް ވެސް ބާރަށް… pic.twitter.com/C1lijzPiwg— Ismail Habeeb (@IsmailHabeeb) September 26, 2023
މީގެ އިތުރުން އަތޮޅު ތެރޭގައި މަސައްކަތްކުރި އޮފިޝަލުންގެ އެލަވަންސް ދިނުމަށް ކުރާ މަސައްކަތްތައްވެސް ވަރަށް ބާރަށް ކުރިއަށް ދާ ކަމަށް ހަބީބް ވިދާޅުވިއެވެ،
ރިޔާސީ އިންތިހާބުގެ ފުރަތަމަ ބުރުގައި 574 ވޯޓު ފޮށި ބަހައްޓާފައިވާއިރު އިންތިހާބުގެ ދެވަނަ ބުރުގައި ރީ-ރަޖިސްޓްރީ ކުރި މީހުންގެ އަދަދު އިތުރުވުމާ ގުޅިގެން 12 ވޯޓު ފޮށި ވަނީ އިތުރުކޮށްފައެވެ. އެހެންކަމުން އިންތިހާބުގެ ދެވަނަ ބުރުގައި 586 ވޯޓު ފޮށި ބެހެއްޓުމަށް ވަނީ ނިންމާފައެވެ.
