ރާއްޖޭގެ ފޮރިން މިނިސްޓަރު އަބްދުﷲ ޝާހިދު ފިލިޕީންސްގެ ސެކްރެޓަރީ އޮފް ފޮރިން އެފެއާޒް އެންރީކޭ މަނާލޯއާ ބައްދަލުކުރައްވައިފިއެވެ.
ޝާހިދު ކުރެއްވި ޓުވީޓެއްގައި ވިދާޅުވީ އެމަނިކުފާނާ ބައްދަލުވެވަޑައިގެންނެވުމަކީ ލިބިވަޑައިގެންނެވި އުފަލެއްކަމަށެވެ. ޝާހިދު ވިދާޅުވީ އެ ދެ ބޭފުޅުންގެ ބައްދަލުވުމުގައި ރާއްޖެ އާއި ފިލިޕީންސާ ދެޤައުމުގެ ގުޅުންތައް އައު ހަރުފަތަކަށް ގެންދެވޭނެ ގޮތްތަކާ ގުޅޭގޮތުން މަޝްވަރާކުރައްވާފައިވާ ކަމަށެވެ.
ފިލިޕީންސްގެ ސެކްރެޓަރީ އޮފް ފޮރިން އެފެއާޒް އެންރީކޭ މަނާލޯއާ ބައްދަލުކުރުމަކީ ލިބުނު އުފަލެއް. ދެޤައުމުގެ ގުޅުންތައް އައު ހަރުފަތަކަށް ގެންދެވޭނެ ގޮތްތަކާ ގުޅޭގޮތުން މަޝްވަރާކުރެވުނު.
މިއަހަރަކީ ރާއްޖެއާއި ފިލިޕީންސް ސިޔާސީ ގުޅުން ޤާއިމުކުރިތާ 50 އަހަރު ފުރޭ އަހަރު.
— Abdulla Shahid (@abdulla_shahid) May 16, 2023
އަދި މިއަހަރަކީ ރާއްޖެއާއި ފިލިޕީންސާ ދެމެދު ސިޔާސީ ގުޅުން ޤާއިމުކުރިތާ 50 އަހަރު ފުރޭ އަހަރުކަން ޝާހިދު ފާހަގަކުރެއްވިއެވެ.
