ސަދަން ކޮމިޔުނިޓީ އެމްޕަވަރމެންޓް އެސޯސިއޭޝަން އޮފް މޯލްޑިވްސް (ސްކީމް) އާއި ޑރ.ފާތިމަތު މުފްލިހާއާއި ގުޅިގެން މިއަހަރުގެ ސިއްޙަތު ދުވަހަށް ޚާއްޞަކޮށްގެން ކުރިއަށް ގެންދާ “މަގޭ ސިއްހަތު” ވެބިނަރ ގެ 3 ވަނަ ސީރީސް ތައިރޮއިޑް ބައްޔާއި ބެހޭގޮތުން މައުލޫމާތު ދޭ ގޮތަށް ހަމަ ޖައްސައި ސެޝަންގައި ބައިވެރިވުމަށް ރެޖިސްޓްރޭޝަނަށް ހުޅުވާލައިފިއެވެ.
އާންމުކޮށް ހުޅުވާލައިގެން މުޅިން ހިލޭ، އޮންލައިންކޮށް ކުރިއަށް ގެންދާ މި ސީރީސްގެ މި ހަފްތާގެ މައުޟޫއަކީ “ތައިރޮއިޑްގެ މައްސަލަތައް ދެނެގަންނަމާ!” މި މައުޟޫ އެވެ.
މި ސެޝަން ކުރިއަށް ދާނީ 12 އެޕްރީލް ވާ ބުދަދުވަހުގެ ރޭ 10:00 އިން 11:00 އަށް ޒޫމް މެދުވެރިކޮށެވެ. މި ސެޝަނުގައި ތައިރޮއިޑް ބަލި ދެނެގަންނާނެ ގޮތާއި ތައިރޮއިޑްބަލީގެ މީހުންނަށް ދިމާވާ ތަފާތު މައްސަލަތަކާއި ދުޅަހެޔޮ ސިއްޙަތަކަށް ބަލިން ރައްކާތެރިވުމަށްޓަކައި ދިރިއުޅުން ބައްޓަން ކުރާނެ ގޮތްތައް ފަދަ މުހިއްމު މައުލޫމާތު ތައް ކިޔައިދެވޭނެއެވެ.
ސެޝަންގައި ބައިވެރިވުމަށް ބޭނުންވާ ފަރާތްތަކުން މަތީގައިވާ ޕޯސްޓާރގައިވާ ކިއު.އާރު ކޯޑު މެދުވެރިކޮށް ނުވަތަ ތިރީގައިވާ ލިންކް މެދުވެރިކޮށް ރަޖިސްޓަރ ކޮށްލެވޭނެއެވެ.
