އައްޑޫ ސިޓީ އިން މި ސަރުކާރުގައި ކުރިއަށް ގެންދާ މަޝްރޫއުތައް ފެނުމުން، ކުރީގެ ރައީސް ޔާމީން އަބްދުލް ގައްޔޫމް ހުންނެވީ ކޯސްވެ ބަސްހުއްޓިފައި ކަމަށް ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެއެވެ،
ނިހާދު ކުރެއްވި ޓުވީޓެއްގައި ވިދާޅުވީ ޕީޕީއެމް / ޕީއެންސީ ޓީމުގެ މެމްބަރުންގެ ދުލުން އަބަދުވެސް އިވެމުން ދިޔަ އަޑަކީ “ހާދަ ކަމެއް އެބަ ކުރެއޭ” ބުނާ ވާހަކަ ކަމަށާއި އައްޑޫ ސިޓީގެ މަގު ހަދަން މުޅި ސިޓީ ކޮނެފައި އޮތް ވާހަކަ ވެސް ބުނަމުންދާކަމަަށެވެ. “އިންޖީނުގެއާއި އޮފީސްތަކާއި މިސްކިތްތައް އަޅަނީ އޭ. ލިސްޓު ދިގޭ. ޔާމީން ވެސް ހުރީ ކޮސްވެ ބަސް ހުއްޓިފައި. ދެން ވާނެ ވައުދަކާއި މެދު ވިސްނަން” ނިހާދު ގެ ޓުވިޓްގައި ވިދާޅުވިއެވެ.
PPM/PNC team ge Memberun ge dhulun abadhuves ivemun dhiyaiee “Haadha kameh Eba kureyey” Mulhi Addu city miothee konhefa Ey magu hadhan! Engine ge aai Office aai School aai Miskih alhanee Ey! List dhigey! YAG Ves huree kossve bas huttifa, dhen vaane vaudhakaai medhu visnan 😂😂😂
— Feydhoo Meehaa (Mohamed Nihad) (@nihad_m) November 7, 2022
ފޭދޫ ދާއިރާގެ މެމްބަރު ނިހާދު މިހެން ވިދާޅުވެފައިވާއިރު، 2018 ވަނަ އަހަރުގެ ފަހުން ރައީސް ޔާމީން އައްޑޫ އަށް ކުރައްވާ ފުރަތަަމަ ދަތުރުފުޅުގައި ފޭދޫގެ ސަޕޯޓަރުންނާ ބައްދަލުކުރެއްވުމަށް، އިއްޔެ ހަވީރު ބޭއްވި ޖަލްސާގައި ރައީސް ޔާމީން ވަނީ އެ މަނިކުފާނުގެ ވެރިކަމުގައި ކުރިއަށް ގެންދިޔަ ތަރައްގީގެ މަޝްރޫއުތަކަށް ފަހު، އެ ސިޓީން މާބޮޑު ކަމެއް ފެންނަން ނެތް ކަމަށް ވިދާޅުވެފައެވެ.
