ރައީސް ޑރ. މުހައްމަދު މުއިއްޒަށް ދެވަނަ ދައުރެއް ހޯދާ ދިނުމަށް އެއް އާއިލާއެއްގެ ގޮތުގައި ޕީޕީއެމް/ޕީއެންސީ އޮންނާނެ ކަމަށް މަޖިލީހުގެ ފޭދޫ ދާއިރާގެ މެމްބަރު މުހައްމަދު ނިހާދު ވިދާޅުވެއްޖެއެވެ.
މިރޭ އެކްސްގައި ނިހާދު ކުރެއްވި ޕޯސްޓެއްގައި މިހެން ވިދާޅުވީ ޕީޕީއެމް/ޕީއެންސީއަށް އެއްވެސް ދިރުމެއް ދިނުމަށް ރައީސް ޑރ.މުހައްމަދު މުއިއްޒު ބޭނުންފުޅުނުވާކަމަށް ބުނެ އެ ކޯލިޝަނުގެ ކުރީގެ ލީޑަރު ރައީސް އަބްދުﷲ ޔާމީން ދެއްކެވި ވާހަކަފުޅަށް ސަރުކާރުގެ އިސް ބޭފުޅުން ރައްދު ދެއްވަމުން ގެންދަވާ ދަނޑިވަޅެއްގައެވެ.
PPM/PNC othee Raees @MMuizzu eku gadhakoh! Fithuna kohgen baibai kuran kurevey masakkaih kaamiyaab vumakee naadhiru kameh! Raees Muiz ah dhevana dhaureh hoadhai dhinumah eh aailaa ehge gothugai PPM aai PNC onnaane!
Dhen @pnc_secretariat aai PPM vegen dhaanee gaumee fikurah!!!— Feydhoo Meehaa (Mohamed Nihad) (@nihad_m) March 30, 2024
މިގޮތުން ނިހާދު ވިދާޅުވީ ޕީޕީއެމް/ޕީއެންސީ އޮތީ ރައީސް ޑރ. މުއިއްޒާ އާއި އެކު ގަދަކޮށް ކަަމަށެވެ. އަދި ފިތުނަ ކޮށްގެން ބައިބައި ކުރަން ކުރެވޭ މަސައްކަތް ކާމިޔާބުވުމަކީ ނާދިރު ކަމެއްކަމުގައި ނިހާދު ވިދާޅުވިއެވެ.
ޕީއެންސީ އާއި ޕީޕީއެމް ވެގެން ދާނީ ގައުމީ ފިކުރަަށްކަން ފާހަގަކުރައްވަމުން ނިހާދު ވިދާޅުވީ ރައީސް މުއިއްޒު އަށް ދެވަނަ ދައުރެއް ހޯދާ ދިނުމަށް އެއް އާއިލާއެއްގެ ގޮތުގައި އޮންނާނެކަމަށެވެ.
