ގދ. ތިނަދޫގައި ހުންނަ އެވިޑް ކޮލެޖް ތިނަދޫ ކެމްޕަހުގައިވެސް “އަޔާޓާ” އޮތޮރައިޒްޑް ކޯސްތައް ހިންގުމަށް ތައްޔާރުވެފައިވާކަމަށް އެވިޑް ކޮލެޖުން ބުނެފިއެވެ.
އެގޮތުން މެއި މަހުގެ 30 ވަނަ ދުވަހު އެވިޑް ކޮލެޖްގައި ބޭއްވި ރަސްމިއްޔާތެއްގައި އެވިޑް ކޮލެޖް، “އަޔާޓާ” އޮތޮރައިޒްޑް ޓްރެއިނިންގ ސެންޓަރަކަށް ހަމަޖެހުނުކަން އިއްލާން ކުރެއްވީ އިންޓަރނޭޝަނަލް އެއަރ ޓްރާންސްޕޯރޓް އެސޯސިއޭޝަން (އަޔާޓާ) ގެ ރީޖަނަލް ޓްރެއިނިންގ ބިޒްނަސް ޑިވެލޮޕްމެންޓް މެނޭޖަރ (ފޯރ ސައުތު އޭޝިއާ) މިސްޓަރ ލޮކޭޝް މައްޓާ އެވެ.
ހަމަ އެއާއެކު ދިވެހިރާއްޖޭގައި “އަޔާޓާ” ގެ ތަމްރީން ކޯސްތައް ހިންގާ އިތުރު މަރުކަޒެއްގެ ގޮތުގައި ހުވަދުއަތޮޅު ދެކުނުބުރީ ތިނަދޫގައި ހުންނަ އެވިޑް ކޮލެޖްގެ ތިނަދޫ ކެމްޕަސް ހަމަޖައްސެވުމަށްފަހު މިމަހުގެ 1 ވަނަ ދުވަހު އެވިޑް ކޮލެޖުން ޢިންތިޒާމްކޮށްގެން ސޮލައިޓް ރެސްޓޮރެންޓްގައި ބޭއްވި ސެމިނަރ ފެށުމުގެ ރަސްމިއްޔާތުގައި މިސްޓަރ ލޮކޭޝް އިއްލާންކުރެއްވިއެވެ.
އެވިޑް ކޮލެޖްގެ ޗެއަރމަން އަލްފާޟިލް ޢަބްދުﷲ މުސްތާޤް ރަޝާދު ވިދާޅުވިގޮތުގައި “އަޔާޓާ” ގެ ތަމްރީން ކޯސްތައް ހުވަދު އޮތޮޅުގައި ހިންގުމަކީ އެމަނިކުފާނު ވަރަށް ކުރީއްސުރެވެސް ދެކެމުން އައި ހުވަފެނެކެވެ. އަދި އެކަން މިއަދު ހަޤީޤަތަކަށް ބަދަލުވެ އެވިޑް ކޮލެޖްގެ ނަން އަނެއްކާވެސް ރަންއަކުރުން ތާޜީޚްގައި ފަވާލެވިއްޖެކަމުގައެވެ.
މިހާރު “އަޔާޓާ” ގެ ތަމްރީން ޕްރޮގްރާމްތައް ފެށުމަށްޓަކައި ކުރަންޖެހޭ ރަސްމީ ހުރިހާ މަސައްކަތެއް ވަރަށް ބާރަށް ކުރަމުންދާ ކަމަށް އެވިޑް ކޮލެޖުން މަޢުލޫމާތުދެއެވެ.
