އޭއޯ ރޯދައިގެބަދިގެ” މި ސެގްމެންޓްގައި މިއަދު ގެނެސްދޭ ދެވަނަ ރެސިޕީއަކީ، ރޯދަވީއްލުމަށް ފަހު ކާން ވަރަށް މީރު ޑިޝްއެއް ތައްޔާރު ކުރާނެގޮތެވެ. އެގޮތުން މިއަދު ގެނެސްދޭ “މެކްސިކަން ރައިސް”ގެ ރެސިޕީ ތިއެންމެހާ ބޭފުޅުންނަށް ވަރަށް ކަމުދާނެ ކަމަށް އުންމީދު ކުރަމެވެ.
ބޭނުންވާތަކެތި:
1 ޖޯޑު ބާސްމަތީ ހަނޑޫ
2 ޖޯޑު ޗިކެން ކިއުބް ފެން
1 ދަޅު މިކްސްޑް ޓޮމަޓޯ ސޯސް ( ނުވަތަ ގޭގައި ލިބެން ހުރި ޓޮމާޓޯ ސޯސްގެ ބާވަތެއް)
1 މެޒުމަތީ ސަމްސާ ޕާސްޓާ ސޯސް
ލޮނު އަދި އަސޭމިރުސް (ރަހަލާވަރަށް)
ޓޮޕިންގް އަށް:
ޓޮމަޓޯ ފޮތިކޮށްފައި
ސްޕްރިންގ އޮނިއަންސް
ކޮރިއަންޑާ ފަތް ނުވަތަ ލީކްސް ކޮށާފައި
ތައްޔާރުކުރާނެގޮތް:
އެންމެ ފުތަރަމަ ތެއްޔަކަށް ހަނޑޫ ކޮޅު ދޮވެލާފައި އަޅާލާށެވެ. ދެން މީގެތެރެއަށް ލޮނު ، އަސޭމިރުސް، ސޯސް ތައް އަދި ޗިކެން ކިއުބް ފެން 2 ޖޯޑު އަޅަފައި މަތިޖަހައިގެން ރަނަގަޅަށް ހަނޑޫ ރޯފިލަންދެން ކައްކާލާށެވެ. ކައްކާ ނިމުނީމާ މައްޗަށް ކުޑަ ލޮނުކޮޅަކާ އަސޭމިރުސް ކޮޅެއް އަޅާފައި ޓޮމަޓޯ ފޮތި ތައް އަދި ސްޕްރިންގ އޮނިއަންސް އާއި ލީކްސް އަޅާފައި މަތިޖަހާފައި ކުޑަ އިރުކޮޅަކަށް ބެހެއްޓުމަށްފަހު ސާރވް ކުރާށެވެ.
