ފުވައްމުލަކު ސިޓީގެ ގޮނޑުދޮށް ހިމާޔަތްކުރުމުގެ މަޝްރޫޢުގެ އަމަލީ މަސައްކަތްފެށުމުގެ އެއްބަސްވުމުގައި ސޮއިކޮށްފިއެވެ.
މި މަޝްރޫއުގެ މަސައްކަތް ހަވާލުކޮށްފައިވަނީ 2003 ވަނަ އަހަރު ހުޅުވި ފުވައްމުލައް ސިޓީގެ ބަނދަރުގެ މެއިން ކޮންޓްރެކްޓަރ ޑެންމާކްގެ އެމްޓީ ހޯގާޑާއެވެ.
އިއްޔެ ފުވައްމުލައް ސިޓީގެ ހާފިޒު އަހްމަދު ސްކޫލުގައި ބޭއްވި ރަސްމިއްޔާތުގައި ރާއްޖޭގެ ނައިބު ރައީސް ފައިސަލް ނަސީމްގެ އިތުރުން މިނިސްޓަރ މުހައްމަދު އަސްލަމް އާއި، ފިނޭންސް މިނިސްޓަރ އިބްރާހިމް އަމީރާއި، އިސްލާމިކް މިނިސްޓަރ އަޙުމަދު ޒާހިރު، ފޮރިން މިނިސްޓްރީގެ ސެކްރެޓަރީ މަލްޓިނޭޝަނަލް ޑރ.ހާލާ ހަމީދު، ފުވައްމުލަކުގެ މަޖިލިސް މެމްބަރުން އަދި ސަރުކާރުގެ އިސްވެރިން ވަނީ ބައިވެރިވެ ވަޑައިގަންނަވާފައެވެ. މީގެ އިތުރުން މި ރަސްމިއްޔާތުގައި ނެދަރލެންޑް ސަރުކާރުން ރާއްޖެއަށް ކަނޑައަޅާފައި ހުންނަވާ ސަފީރު، ޓާންޔާ ގޮންގްރިޖް ވެސް ބައިވެރިވެ ވަޑައިގެންނެވިއެވެ.
