ގދ. މަޑަވެލި އަދި ހޯނޑެއްދޫ ގުޅުވާލުމަށް އަލުން ހަދާ ކޯސްވޭގެ އެއްބަސްވުމުގައި އަންނަ ހަފްތާގައި ސޮއިކުރާނެ ކަމަށް ޕްލޭނިންގ މިނިސްޓަރ ވިދާޅުވެއްޖެއެވެ.
ކުރީގެ ސަރުކާރުން ގދ. މަޑަވެލި އަދި ގދ. ހޯނޑެއްދޫ ގުޅުވާލާ، އަޅާފައިވާ ކޯސްވޭގެ ސަބަބުން އެ ދެރަށަށް ގެއްލުންތަކެއް ލިބެމުންދާތީ ކޯޒްވޭ އަލުން ހަދާ އެއްބަސްވުމުގައި ސޮއިކުރުން މިއަންނަ ހަފްތާގައި އޮންނާނެ ކަމަށް ޕްލޭނިންގ މިނިސްޓަރު މުހައްމަދު އަސްލަމް ވަނީ ވިދާޅުވެފައެވެ.
ރައްޔިތުންގެ މަޖިލީހުގައި މިނިސްޓަރާ ސުވާލު ކުރުމަށް ހުޅުވާލި ފުރުސަތުގައި މަޑަވެލި ދާއިރާގެ މެންބަރު ހުސައިން ފިރުޝާން ކުރެއްވި ސުވާލަކަށް ޖަވާބުދެއްވަމުން އަސްލަމް ވިދާޅުވީ، އެމަސައްކަތުގެ ޓެންޑަރ މަރުހަލާ މިހާރު ނިމިފައިވާ ކަމަށާއި ދެން އޮތީ ޕްރޮޖެކްޓް ބަޔަކާއި ހަވާލުކޮށް ކޮންޓްރެކްޓަރ އާއިއެކު ސޮއިކުރުމުގެ މަރުހަލާ ކަމަށެވެ.
