ކޮވިޑް ގެ ހާލަތު ގޯސް ވުމާއި ގުޅިގެން އައްޑޫ ސިޓީގެ އައްޑޫސިޓީގެ ސްކޫލްތަކުގެ ކިޔެވުން ބަންދުކޮށްފައި އޮތުމަށް ފަހު 3 ހަފްތާ ފަހުން އަލުން ސްކޫލްތައް ހުޅުވައިގެން ކިޔަވައިދޭން ނިންމައިފިއެވެ.
އަންނަ އާދީއްތަ ދުވަހުން ފެށިގެން އައްޑޫގެ ސްކޫލްތަކުގައި އަލުން ކިޔަވައިދޭން ނިންމާފައިވަނީ މިރޭ އައްޑޫސިޓީ ކައުންސިލް އިދާރާގައި ބޭއްވި ބައްދަލުވުމުގައެވެ.
ކޮވިޑް 19 ގެ އައްޑުގެ އެންމެ ފަހުގެ ތަފާސް ހިސާބުތަކަށް ބަލާއިރު އިއްޔެ އާއި ހަމައަށް އައްޑޫސިޓީން ޖުމުލަ 1210 މީހަކު ވަނީ ކޮވިޑަށް ފައްސިވެފައެވެ. އަދި އެކްޓިވް ކޭސް ގެ ގޮތުގައި 282 މީހުން ތިބި އިރު 5 މީހަކަށް ދަނީ ހޮސްޕިޓަލުގައި ފަރުވާ ދެމުންނެވެ. އަދި އިއްޔެ އެކަނިވެސް 18 މީހަކު ވަނީ އައްޑޫން ކޮވިޑަށް ފައްސިވެފައެވެ.
ކޮވިޑް 19 އާއި ގުޅިގެން އައްޑޫސިޓީގެ ހުރިހާ އަވަށްތައް މޮނިޓަރިން އަށް ލާފައިވާއިރު ސްކޫލްތައް ބަންދުކޮށް ކިޔެވުން އޮންލައިން ކޮށް ކުރިއަށް ގެންދާތީ ގިނަ ބެލެނިވެރިންދަނީ އެކަމާ ކަންބޮޑުވުން ފާޅުކުރަމުންނެވެ.
