ވައިގެ މަގުން ރާއްޖެއިން ބޭރު ކުރަން އުޅުނު ގިނަ އަދަދެއްގެ މިޔަރު އުރަހަތަކެއް އެއާޕޯޓުން އަތުލައިގެންފިއެވެ.
ކަސްޓަމްސް އިން ބުނީ 14 ފޮއްޓެއްގައި ހުރި ޖުމުލަ 243 ކިލޯގެ މިޔަރު އުރަހަ މިއަދު ވެލާނާ އިންޓަނޭޝަނަލް އެއާޕޯޓުން ހިފަހައްޓާފައިވާކަމަށާއި މިތަކެތި ހިފަހައްޓާފައި ވަނީ އޭވިއޭޝަން ސެކިއުރިޓީ ކޮމާންޑުންކަމަށެވެ.
A total of 14 boxes containing 243kg of shark fins has been siezed by Customs in coordination with @AVSECOMmv at Velana International Airport today. The shark fins were concealed in a shipment declared as salted fish. Further investigations ongoing. pic.twitter.com/Z7NgQlszR4
— Maldives Customs (@CustomsMv) August 26, 2021
ސޯޝަލް މީޑިއާގައި އާންމުވެފައިވާ ވީޑިއޯ އިން ފެންނަގޮތުން ފޮށިތަކުގެ އެންމެ މައްޗަށް އަޅާފައި ހުރީ ލޮނުމަހެވެ. އަދި އޭގެ ދަށުގައި ކަޅު ކޮތަޅުގައި މިޔަރު އުރަހަ އަޅާފައިވެއެވެ.މީގެއިތުރުން މި ވީޑިއޯއިން ގިނަ އަދަދެއްގެ މިޔަަރު އުރަހަ ފޮށިތަކަކުން ހުސްކުރާ މަންޒަރުވެސް ފެނެއެވެ.
ގަވާއިދާއި ހިލާފަށް މިޔަރު ހިފައި އޭގެ އުރަހަ ވިޔަފާރީގެ ގޮތުގައި ބޭނުންކުރަމުންދާއިރު މީގެ ކުރިންވެސް މިފަދަ މައްސަލައެއް ވަނީ ފެންމަތިވެފައެވެ. އެގޮތުން ރާއްޖެއިން ބޭރުކުރަން އުޅުނު މިޔަރު އުރަހަތަކެއް މި އަހަރުގެ ޖަނަވަރީ މަހުވެސް ވަނީ އަތުލައިގެންފައެވެ
