އައްޑޫސިޓީގައި މީހުންދިރިއުޅޭ ހުރިހާ އަވަށެއްގައި ފުލުހުން މިއަދު ހިންގި ޓްރެފިކް އޮޕަރޭޝަނުގައި 534 އުޅަނދު ބަލައި ފާސްކޮށްފިއެވެ.
މިއަދު ހަވީރު 3.45 އިން 6.00 އަށް އައްޑޫސިޓީގެ ހުރިހާ އަވަށެއްގައި ކުރިއަށް ގެންދިޔަ މި އޮޕަރޭޝަނުގައި 534 އުޅަނދު ޗެކުކުރުމުގެ އިތުރަށް 9 އުޅަނދެއްވަނީ ޖުރިމަނާ ކޮށްފައި ކަމަށް ފުލުހުން ހާމަކުރެއްވިއެވެ.
ދިވިލިމަތަ ގެ ނަމުގައި އައްޑޫގައި ދޭތެރެދޭތެރެއިން ހިންގަމުން ގެންދާ މިއޮޕަރޭޝަނަކީ އައްޑޫގެ މަގުތައް އަމާންކަން މަތީ ބޭއްވުމާއި ޓްރެފިކަށް މީހުން ހޭލުންތެރި ކުރުމުގެ ގޮތުން ހިންގާ އޮޕަރޭޝަނެކެވެ. މިއީ މީގެ 6 ވަނަ އޮޕަރޭޝަނެވެ.
މިފަދަ އޮޕަރޭޝަންތައް ހިންގާއިރު ރައްޔިތުންގެ ފަރާތުން ލިބޭ އެއްބާރުލުން ފާހަގަކޮށް އައްޑޫގައި މަސައްކަތްކުރާ ފުލުހުންވަނީ ރައްޔިތުންނަށް ޝުކުރުއަދާ ކޮށްފައެވެ.
